اسلام آباد۔ 06 جنوری (اے پی پی) وزیراعظم عمران خان پارینے کہ نن بحیثیت قوم بیرہ خواجہ صلی اللہ علیہ و آلہ وسلم نا رغاموک آتیا عمل کرسا شون ہلنگ کینہ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او پنی آ مذہبی اسکالر مولانا طارق جمیل تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی قومی …
نن بحیثیت قوم بیرہ خواجہ محمد صلی اللہ علیہ و آلہ وسلم نا رغاموک آتیا عمل کرسا شون ہلنگ کینہ، وزیراعظم عمران خان
گیشتریں ھال
اسلام آباد۔ 06 جنوری (اے پی پی) وزیراعظم عمران خان پارینے کہ نن بحیثیت قوم بیرہ خواجہ صلی اللہ علیہ و آلہ وسلم نا رغاموک آتیا عمل کرسا شون ہلنگ کینہ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او پنی آ مذہبی اسکالر مولانا طارق جمیل تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی قومی رحمت اللعالمین اتھارٹی نا مجوزہ کڑد انا بابت امور آ گپ وتران کننگا۔ دااتھارٹی ننا خواجہ نبی حضرت محمد صلی اللہ علیہ و آلہ وسلم نا جوڑ کروک ریاست مدینہ نا بنداوی قدر و سیرت النبی صلی اللہ علیہ وآلہ وسلم نا شاندار رغاموک آتے مون آ تخسا ورناتا کڑد سازی کن جوڑ کننگانے۔ اوڑدہی ٹی وزیراعظم پارے کہ نن بحیثیت قوم بیرہ خواجہ محمد صلی اللہ علیہ و آلہ وسلم نا رغاموک آتیا عمل کرسا شون ہلنگ کینہ۔ مولانا طارق جمیل ریاست مدینہ نا آسودہی ماڈل ءِ نافذ کننگ تون اوار اوار تعلیمات نبوی صلی اللہ علیہ و آلہ وسلم ءِ مون آ تخسا ورناتا کڑد سازی آ زور شاغنگ کن وزیراعظم نا کوشست آتا ستاءِ کرے۔
