اسلام آباد۔ 06 جنوری (اے پی پی) وزیراعظم عمران خان پارینے کہ ایکوٹورازم نا کمک اٹ ہندی مخلوق ءِ روزگار نا فراوانی و سیل و سواتی ہند آتا قدرتی حسن انا رکھ حکومت نا اولیت آتیٹی اوار ءِ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او وزیراعظم آزاد جموں و کشمیر سردار عبدالقیوم نیازی تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی آزاد کشمیر اٹی بلدیاتی گچین کاری تا اینخو سال انا نیام اٹ اڈتننگ آن بیدس آزاد کشمیر اٹی سیل و سوات نا مون آ دننگ نا ڈٹ آتا بابت گپ وتران کننگا۔ اوڑدہی ٹی وزیراعظم پارے کہ حکومت آزاد کشمیر، قطبی علاقہ جاٹ و گلگت بلتستان اٹی سیل و سوات نا بشخ انا بے پناہ کچ آن پبی فائدہ ہرفنگ کن گام گیج کننگ ءِ۔ ایکوٹورازم نا کمک اٹ ہندی مخلوق ءِ روزگار نا فراوانی و سیل و سواتی ہند آتا قدرتی حسن انا رکھ حکومت نا اولیت آتیٹی اوار ءِ۔
