اسلام آباد۔ 06 جنوری (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ پی ٹی آئی اسٹ انگا جماعت ءِ ہرانا فنڈنگ نا شاہدی ساڑی ءِ، نابود لیگ انا بینک اسٹیٹمنٹ ساڑی اف۔ داخیال آتا درشانی ءِ او پنچ شنبے نادے آ مریم اورنگزیب نا بیان آ ردعمل اٹی کرے۔ اوپارے کہ نابود درباری تا حال الٹاچور کوتوال کو ڈانٹے آنبار ءِ، تحریک انصاف و عمران خان نا برخلاف جعلی پروپیگنڈا نا کسر ءِ آوار کننگ انگ ءِ ، اوپارے کہ وزیراعظم عمران خان نئے بیرہ پاکستان بلکن مچ آ دنیا ٹی پنی انگا لیڈر ءِ، پی ٹی آئی ہمو اسٹ انگا جماعت ءِ ہرانا فنڈنگ نا حساب وکتاب ساڑی ءِ، نابود لیگ اتون بینک اسٹیٹمنٹ ساڑی اف، ڈاکٹر شہباز گل پارے کہ نابود لیگ سیاسی پارٹی ءِ تینا پلوک آ مال ءِ ٹھکانہ خلنگ کن کاریم اٹ ایس، فنڈ آتا پن آ کک بیکس انا زر برسا کرے۔
