اسلام آباد۔ 06 جنوری (اے پی پی) الیکشن کمیشن آف پاکستان زوت خیبرپختونخوا ٹی بلدیاتی گچین کاری تا ارٹ میکو ریسہ نا باقاعدہ الیکشن شیڈول ءِ جاری کیک۔ الیکشن کمیشن آن جاری اعلامیہ نا رداٹ دا چرجوئی ٹی الس آن خواست کننگ کہ او ارٹ میکو ریسہ ناالیکشن شیڈول نا جاری کننگ آن مست تینا وونٹ انا درج ءِ پک کیر پین گچین کاری تیٹی بشخ ہلوک آ اومیت دارآک تینا تعلقدار حلقہ بندی تا رداٹ تینا وونٹ انا درج و درستگی الیکشن شیڈول آن مست پک کیر۔ الیکشن شیڈول آن پد کانود نا رداٹ گچین کاری لڑتیٹی وونٹ انا درج و درستگی مفک۔
