کوئٹہ۔ 06 جنوری (اے پی پی) وزیراعلیٰ بلوچستان نا سلاہکار پبلک ہیلتھ انجینئرنگ لالہ رشید دشتی تربت اٹی پِرتیان زہمی مروک آ چندی علاقہ غاتا دورہ ءِ کرے۔ داوخت آ ایکسیئن ایری گیشن عدیل فیض، بلوچستان عوامی پارٹی ضلع تربت نا فنانس سیکرٹری جاوید کریم، حاجی رستم بزنجو، صابر فدا، شفیع بزنجو و ایلوفک ہم سلاہکار وزیراعلیٰ بلوچستان تون اوارئسر۔ لالہ رشید دشتی پِر آن زہمی علاقہ غاتیٹی کسر، سنگئی تون اوار دشت انا چندی زہمی علاقہ غاتیٹی مخلوق تون اوڑدہی کرے اوفتا ویل آتا ازالہ کن تعلقدار کمامدار آتون رابطہ و اوڑدہی کرے۔ اوپارے کہ صوبائی حکومت پِر آن زہمی بندغ آتا مشکل آتیٹی کمتی و نسخان تا ازالہ کن گام گیج کننگ ءِ، وزیراعلیٰ میر عبدالقدوس بزنجو نا پارت آ پی ڈی ایم اے زہمی علاقہ غاتیٹی بحالی ناکاریم نا بناءِ کرینے۔ صوبائی سلاہکار پی ایچ ای اوکان پد لالہ رشید دشتی نیلگ ڈیم انا ہم دورہ ءِ کرے و ہموڑے آ کوڑی مروک دیر تا جاچ ءِ ہلک۔ داوخت آ ایکسیئن عدیل فیض اودے حوال تس۔
