کوئٹہ۔ 06 جنوری (اے پی پی) صوبائی محکمہ موسمیات نا رداٹ بروک آ 24 گھنٹہ ٹی بلوچستان نا چندی علاقہ غاتیٹی شنزہ ئی پِر و برف انا گمان ءِ۔ صوبائی محکمہ موسمیات نا رداٹ بروک آ 24 گھنٹہ ٹی بلوچستان نا علاقہ کوئٹہ، ژوب، سبی، کوہلو ، بارکھان، زیارت، پشین، چمن، قلعہ عبداللہ، قلعہ سیف اللہ ، دالبندین، چاغی، تربت، نوشکی، گوادر ، پنجگور ، نوکنڈی، خاران، کیچ، آواران، قلات، خضدار، ہرنائی، مکران و لسبیلہ ٹی ترند تہو و ہورہ و گروک اٹ پِر انا گمان و بڑزکوعلاقہ غاتیٹی برف انا گمان ءِ۔ شنزہ ئی پِر انا سوب آن سبی، مستونگ، بولان، قلات ، خضدار، لسبیلا، نصیر آباد و کوہلو نا جل دیر تیٹی طغیانی نا گڑتی ءِ وخت اس کہ برف انا سوب آن ہندا علاقہ غاتیٹی سڑک آتا بند مننگ نا گڑتی ءِ۔ محکمہ موسمیات مخلوق آن خواست کرسا پارینے کہ او بے گرج سفر آن پاناد کیر۔
