اسلام آباد۔5جنوری (اے پی پی):پاکستان ءَ چین ءِ سفیر نونگ رونگ ءَ گشتگ کہ کووڈ ءِ سوب ءَ مُشکل جاورھالاں ابید ہم پاکستان ء ُ چین ءَ سی پیک ءِ سرءَ کار ءَ را برجاہ داشتگ، سی پیک ءَ پاکستان ءَ صنعت کاری ءِ بن اِشت ایر کتگ۔ اے ھیالانی درشانی آئی ءَ آل پاکستان-چائنیز انٹرپرائزز ایسوسی ایشن ءِ سالے رپورٹ ءِ بنداتی مراگش ءَ گوں تران کنان ءَ کتگ۔ آل پاکستان-چائنیز انٹرپرائزز ایسوسی ایشنءِ سال ءِ رپورٹ ءِ بنداتی مراگش ءَ مراد بات پیش کتگء ُ آئی ءَ گشتگ کہ کووڈ ءِ سوب ءَ مُشکلیں جاورھالانی ابید ہم پاکستان ء ُ چین ءَ سی پیک ءِ سرءَ کار ءَ را برجاہ داشتگ۔ لاہور -کراچی موٹروے ءِ سرجمی ءِ نیمگ ءَ رہادگ اِنت وہدے کہ ایچ وی ٹی سی ٹرانسمیشن لائن یکم ستمبر ءَ چہ کمرشل آپریشنل بوتگ۔ آئی ءَ گشتگ کہ گوادر فری زون ء ُ رشکئی اکنامک زون ءِ گوستگیں سال ءَ بندات بوتگ۔ سی پیک ءَ چہ بلین ڈالر ءِ زرکاری پاکستان ءَ آتکگ ء ُ مردماناں روزگارءِ موہ رسیتگ۔ چینی سفیر ءَ گشتگ کہ سی پیک ءَ پاکستان ءَ صنعت کاری ءِ بن اِشت ایر کتگ۔ مزن وزیر ءِ چین ءِ ترء ُتاب ءَ سی پیک ءِ سرءَ مھکم بوہگ ءُ کارکنگ ءِ جزم ءِ درشانی کتگ۔ یکے دومی ءِ گوما ہم کوپگ ء ُ ہم دست بں ء ُ درائیں جیڑہ ء ُ جنجالاں ہلاس کناں۔ آئی ءَ پاک۔چین سنگتی زندگ بات ہم گشتگ۔
