اسلام آباد۔5جنوری (اے پی پی):وزیراعظم ءِ حاسیں جارچین ڈاکٹر شہباز گِل ءَ گشتگ کہ مریم صفدر صحافت ءِ آجوہی ءِ سرءَ اُرش کنگ ءَ اِنت، مریم نواز ءِ آڈیو ءَ چہ اے گپ پدر بیت کہ آئی ءَ میڈیا ہاؤس آنی اشتہارات داشتگ اَنت، سینئر صحافی آنی ھلاپ ءَ گامگیج چست کنگ ء ُ آیاناں بدء ُ رد کنگ ءَ پریس کلب ء ُ صحافتی تنظیم چیا حاموش اَنت۔ اے ھیالانی درشانی آئی ءَ چارشمبے ءِ روچءَ پریس کانفرنس ءَ گوں تران کنان ءَ کتگ۔ ڈاکٹر شہباز گِل ءَ گشتگ کہ مریم نواز ءِ نیمگ ءَ چہ صحافت ءِ آجوہی ءِ سرءَ ارُرش کنگ بوہگءَ اِنت۔ انوں یک آڈیو دیم ءَ اَتکگ کہ آئی ءِ تہا مریم نواز ء ُ پیسرگیں بنجاہی وزیر پرویز رشید سینئر صحافی آنی حلاپ ءَ بدیں زبان کارمرز کنگ ءَ اَنت۔ آئی ءَ چہ پیسر ءَ مریم صفدر ءِ دو آڈیوز دیما اَتکگ اَنت کہ آیانی تہا میڈیا ہاؤس آنی اشتہارات دارگ ءِ گپ کنگ بوتگ۔ آئی ءَ گشتگ کہ انوگیں آڈیو آنی تہا سینئر صحافی حسن نثار، ارشاد بھٹی ، مظہر عباس ءِ حلاپ ءَ بدیں زبان کارمرز کنگ بوتگ۔ صحافتی تنظیم ء ُ پریس کلب صحافی آنی حلاپ ءَ بدیں زبان کارمرز کنگ ءَ حاموش اَنت چیا۔ آ وتی کردءَ پیلو بہ کن اَنت۔ آئی ءَ گشتگ کہ بلاول بھٹو زرداری ء ُ رانا ثنااللہ کہ بدء ُ رد کناں ایشی ءِ پدءَ صحافی آنی ایچ وڑیں رد عمل دیما نااِت۔ حاسیں کمک کارءَ گشتگ کہ ن لیگ ءَ وتی پنچ سالانی تہا امیچو گیشیں ٹیکس دست گپتگ ، اے یکیں سال ءِ تہا امیچو گیشین ٹیکس وصول کنگ بیت۔ گوازوکیں سال 1300ارب ٹیکس وصول کنگ بیت۔ آئی ءَ گشتگ کہ انوگیں حکومت کہ اَتکگ آ وہد ءَ زرمبادلہ 7 ارب ڈالر بوتگ اَنت نوں ریکارڈ 22 ارب ڈالر اِنت۔ آ وہد ءَ بیپاری نقصان 20 ارب ڈالر بوتگ ء ُبرآمدات کم بوہان بوتگ، نوں برآمدات آنی تہا گیشی بوتگ ء ُ بیپاری نقصان گر ء ُ دار کنگ بوتگ۔
