اسلام آباد۔ 05 جنوری (اے پی پی ) وزیرخارجہ مخدوم شاہ محمود قریشی تون گورنر بلوچستان سید ظہور احمد آغا چارشنبے نادے آ وزارت خارجہ ٹی اوڑدہی کرے۔ اوڑدہی ٹی تین پہ تینی است خواہی نا امور آ گپ وتران کننگا۔ وزیرخارجہ پارے کہ حکومت بلوچستان نا باتی تے مون تروک ویل و مشکل آتیان جوانی اٹ معلومدار اُن۔ پاکستان تحریک انصاف نا حکومت بلوچستان تون اوار پاکستان نا غٹ پسماندہ علاقہ غاتا باتی تا محرومی تا ازالہ کن کوشست کننگ ءِ۔ گورنر بلوچستان سید ظہور احمد آغا بلوچستان اٹی امن و ایمنی نا حالیت آتے گچین کننگ و جان جوڑی تون اوار چندی بشخ آتیٹی بنجائی حکومت نا کمکاری نا ستاءِ کرسا وزیرخارجہ مخدوم شاہ محمود قریشی نا منت واری ءِ ہرفے۔
