اسلام آباد۔ 05 جنوری (اے پی پی) بنجائی وزیر مواصلات و پوسٹل سروسز مراد سعید پارینے کہ پنچ سال انا ہدف آتے 3 سال اٹی پورو کرین، 3 سالہ دور حکومت اٹی 2 ہزار 32 کلومیٹر سڑک آتا تفنگ پورو مسنے وخت اس کہ 2013 آن 2018 ٹی 947 کلومیٹر سڑک جوڑ مس۔ داخیال آتا درشانی ءِ او چار شنبے نادے آ ہکلہ۔ ڈی آئی خان موٹروے نا بنائی دود آن تران کرساکرے۔ بنجائی وزیر پارے کہ نن پاکستان تحریک انصاف نا دور حکومت اٹ پسماندہ و کم شون ہلوک علاقہ غاتے بڑزاتنگ نا پالیسی آ عمل کننگ اُن۔ اوپارے کہ پی ٹی آئی نا دور اٹی ہکلہ۔ ڈی آئی خان موٹروے آ کاریم بناکرے۔ 2013 آن 2018 ٹی 947 کلومیٹر سڑک جوڑ مسوسس وخت اس کہ ننا 3 سال انا دور حکومت اٹ 2 ہزار 32 کلومیٹر سڑک تفنگانے ہراڑآن کم شون ہلوک علاقہ غاتے زیات فائدہ مس۔ اوپارے کہ نن مچ آ ملک اٹی سڑک آتا جال ءِ تالان کننگ کن ڈٹ بندی کرینن ہرانا رداٹ 5 سالہ و 10 سالہ ہدف مقرر کرینن۔ اوپارے کہ 1300 کلومیٹر موٹروے آ موٹروے پولیس ءِ تعینات کننگانے۔ اوپارے کہ کبینی آن پد ہم کم خڑچ اٹ سڑک جوڑ کننگ انگ ءِ و غٹ بشخ آتیٹی شفافیت ءِ ہم پک کننگ انگ ءِ۔ وزیر مواصلات پارے کہ نن ای بلڈنگ و ای ٹرینڈرنگ نا کنڈآ ہنانن، 2 ہزار 32 کلومیٹر سڑک آتا تعمیر داتم اسکان مسنے ، نن سڑک زیات جوڑ کرین ہرا فتے اڑزآن و شفافیت اتون جوڑ کرین۔
