اسلام آباد۔ 05 جنوری (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ بھارت اقوام متحدہ نا قرارداد آتیا عملدرآمد نا جاگہ غا اوفتے لتاڑنگ ءِ ۔ چارشنبے نادے آ یوم حق خودارادیت کشمیر نا بابت تینا کلہو اٹی اوپارے کہ اینو کشمیری تا حق خودارادیت نا قرارداد ءِ منظور مرسا 73 سال گدرینگانے۔ بھارت کشمیر نا ویل ءِ تینٹ اقوام متحدہ نا فورم آ دریسس۔ بھارت اقوام متحدہ نا قرارداد آتیا عملدرآمد نا جاگہ غا اوفتے لتاڑنگ ءِ۔ بنجائی وزیر پارے کہ حق خودارادیت کن ہزار آ کشمیری تینا جان تے ندر کرینو۔ بھارت مقبوضہ کشمیر اٹی کشمیری تا منظم نسل کشی ءِ کننگ ءِ۔ 5 اگست 2019 نا بھارتی غیرکانودی گام گیج آن مقبوضہ کشمیر نا ڈیموگرافی ءِ بدل کننگ انگ ءِ۔ علی امین گنڈاپور پارے کہ بھارت ہچ ءُ حالیت اسے ٹی کشمیری تا حق خودارادیت ءِ توننگ کپک۔ اقوام متحدہ کشمیری تا حق خودارادیت کن پاس کروک آ قرارداد آ عملدرآمد کرفے۔
