اسلام آباد۔ 05 جنوری (اے پی پی) بنجائی وزیر نجکاری و سرپرست اعلیٰ یوتھ فورم جموں و کشمیر محمد میاں سومرو پارینے کہ 73 سال گدرینگ انگ آن پد ہم بھارت واک انا زور آ مقبوضہ کشمیر نا الس نا جوزہ آجوئی ءِ پُلنگ کتنے ، بھارتی مقبوضہ جموں و کشمیر انسانی حق انا خلاف ورزی تا بدترین درور ءِ۔ 5 جنوری یوم حق خودارادیت کشمیرنا وخت آ تینا خصوصی کلہو اٹی اوپارے کہ اقوام متحدہ جموں و کشمیر اٹی آجو رائے شماری نا تینا قرارداد آ عمل کرفے۔ مچ آ قوم 5 جنوری 1949 ءِ اقوام متحدہ ٹی پیش کروک تاریخی قرارداد نا یات اٹی یوم حق خودارادیت اڈتننگ ءُ۔ اوپارے کہ دنیا بھارت آ اقوام متحدہ نا قرارداد آتے مون آ تخسا عمل کرفنگ کن اثرورسوخ کاریم اٹ اتے۔ 73 سال گدرینگ انگ آن پد ہم بھارت واک انا زور آ مقبوضہ کشمیر نا الس نا آجوئی نا جوزہ ءِ پُلنگ کتنے۔ وزیر نجکاری پارے کہ بھارتی مقبوضہ جموں و کشمیر انسانی حق انا خلاف ورزی تا بدترین درور ءِ۔ بھارتی فوج پدریسہ جہانی جنگی ڈوہ تا مرتکب مننگ ءِ۔ کودک کشمیری تا خون زالبول آتا بے حرمتی، مذہبی، سیاسی و راجی امور آ پابندی بھارتی فوج انا تہار ءُ کارنامہ اسے۔ اوپارے کہ 5 اگست 2019آ غیر کانودی گام آن بھارت مقبوضہ کشمیرنا خصوصی اہمیت ءِ چٹفے۔ خصوصی اہمیت ءِ چٹفنگ نا مسخت کشمیری تا جوزہ حریت ءِ توننگ ئسک۔ وزیراعظم عمران خان مظلوم کشمیری تا معاملہ ءِ جہانی کہول آ تالان کرے ۔ پاکستان تینا کشمیری ایڑھ و ایلم تتون ہروڑاٹ اخلاقی کمک ءِ برجاتخک۔
