اسلام آباد۔4جنوری (اے پی پی): مزن وزیر عمران خان ءَ گوشت کہ آیوکیں باھند آنی واستہ مارا ایٹماسپیئر ءَ را جوان کنگی انت، دگنیا ءَ نوں موسمی مٹ ءُ بدلی ءِ رند پد آں گوں گر ءُ چیل بوھگ ءِ واستہ احساس پیداک بوھگ ءَ انت، مئے حکومت ءَ جنگل کشگ ءِ گامگیج بندات کتگ ءُ 15 نوکیں نیشنل پارکس ڈیکلیئر کتگ، شہر آنی نوکیں ماسٹر پلان جوڑ کنگ ءَ انت، ورلڈ بینک ءُ وزارت ءِ موسمی مٹ ءُ بدلی ءِ نیام ءَ یکجائی وشیں گپ ات۔ اے ھیالانی درشانی آئی ءَ سئے شمبے ءَ وزارت ءِ موسمی مٹ ءُ بدلی ءُ میاں اوستمانی بینک ءِ نیام ءَ یکجائی بیان آنی سر ءَ دست چنگل ءِ مراگش ءَ گوں گشتانک دیان ءَ کت۔ مزن وزیر ءَ ورلڈ بینک ءِ کمک آنی پد ءَ شگر ءُ منت واری گران ءَ گوشت کہ ورلڈ بینک ءِ ارزشتی ایں سیم سر آنی در جنگ ءِ واستہ حکومت ءِ پاکستان ءِ گوما کمک کتگ۔ آئی ءَ گوشت کہ پاکستان ھمے 10 ملک آنی تہ ءَ ھوار انت ھما کہ ایٹماسپیئر ءِ مٹ ءُ بدلی ءَ چہ درستاں چہ گیش آماچ انت وھدیکہ ایٹماسپیئر ءَ را ھراب کنگ ءِ مئے درستاں چہ کستریں بھر انت۔ مزن وزیر ءَ گوشت کہ مارا آیوکیں باھند آنی واستہ ایٹماسپیئر ءَ را رکھینگ ءُ گلوبل وارمنگ ءَ را گرءُ دار کنگی انت۔ مزن وزیر ءِ مشیر برائے موسمی مٹ ءُ بدلی ملک امین اسلم ءَ مراگش ءَ گوں گشتانک دیان ءَ گوشت کہ آ اے منصوبگ ءِ واستہ کمک ءِ پد ءَ ورلڈ بینک ءِ شگر ءُ منت ءَ گراں، ورلڈ بینک ءَ اے منصوبگ ءِ واستہ کساس 22 ارب کلدار ءِ فنڈنگ کتگ۔ اے منصوبگ ءَ چہ یک لکھ 33 ہزار روزگار ءِ موہ پیداک بنت۔ آئی ءَ گوشت کہ مزن وزیر ءَ ایٹماسپیئر ءِ مٹ ءُ بدلی ءَ گوں گر ءُ چیل بوھگ ءِ واستہ وژن داتگ ءُ پکوئیں گامگیج کتگ، اے منصوبگ ھم مزن وزیر ءِ کلین گرین پاکستان ءُ ایکوٹورازم ءِ وژن ءِ رچ ءِ یک کڑئی ات، اے منصوبگ ءِ چیر دستی ءَ 8 کروڑ درچک ءُ ہزارانی ایکٹر ءِ سر ءَ مینگروز کشگ بوتگ۔
