اسلام آباد۔4جنوری (اے پی پی):صدر مملکت ڈاکٹر عارف علوی ءَ ورچوئل یونیورسٹی ءَ را پنت ءُ شون کت کہ ملک ءِ دور ءُ گستائیں دمگ ھاسیں رنگ ءَ بلوچستان، سندھ ، آزات کشمیر ءُ گلگت بلتستان ءِ آسراتی ءِ واستہ وتی استی ءَ را گیش بکن انت، ورچوئل یونیورسٹی ءِ کار رپک ءِ تہ ءَ گیشی ءَ چہ دور ءُ گستائیں دمگ ءِ مردم کورسز ءُ ای لرننگ پروگرام ءَ چہ سیت منت بوت بکن انت، مارکیٹ ءِ ضلورت آناں پیلو کنگ ءِ واستہ جتا جتائیں شوبگ آنی تہ ءَ آن لائن وانگ ءُ زانگ ءُ ھیل کاری ءَ را دیمروئی دیگ ءِ ضلورت انت۔ اے ھیالانی درشانی آئی ءَ سئے شمبے ءِ روچ ءَ ورچوئل یونیورسٹی ءِ ھوالگ ءَ بریفنگ دیوان ءِ سروکی ءَ کنان ءَ کت۔ اے موہ ءِ سر ءَ ریکٹر ورچوئل یونیورسٹی ڈاکٹر ارشد سلیم بھٹی ءَ ملک ءَ ای لرننگ ءِ دیمروئی ءَ یونیورسٹی ءِ کرد ءُ کار کرد ءِ سر ءَ بریفنگ دات۔ بریفنگ ءِ ساھت ءَ ورچوئل یونیورسٹی ءَ 2021 ءَ 55 ہزار ءَ چہ گیش نودربر آناں ایڈمیشن دیگ ایش مزنیں کامیاتی ات۔ یونیورسٹی ملک ءِ جتا جتائیں مارکیٹ ءِ ضلورت ءِ رد ءَ ھندی ورنا آناں وانگ ءُ زانگ ءِ پجاری ءِ واستہ ھندی ڈگری کالجز ، دانشگاہ آنی تہ ءَ کمپیوٹر لیبز جوڑ کنگ ءَ انت۔ صدر مملکت ڈاکٹر عارف علوی ءَ یونیورسٹی انتظامیہ ءَ را میان اوستمانی کد ءُ بالاد ءِ رد ءَ کروسز رد ءُ بند کنگ ءِ پنت ءُ شون کت۔ صد ءِ مملکت ءَ ملک ءَ ای لرننگ ءِ د یمروئی ءَ یونیورسٹی ءِ کرد ءَ را ساڑات۔
