اسلام آباد۔4جنوری (اے پی پی): بنجاھی وزیر برائے منصوبگ بندی، دیمروئی ءُ ھاسیں گامگیج اسد عمر ءَ گوشت کہ پاکستان تحریک انصاف ءِ کرا فنڈز گرگ ءِ باز ساپ ءُ سلہ ایں نمونگ ات چیا کہ ھمک چیز ءِ ریکاٹ ءُ مسلی رنگ ءَ ایر کنگ بوت۔ سئے شمبے ءَ ادا الیکشن کمیشن آف پاکستان ءِ ڈن ءَ میڈیا ءَ گوں تران کنان ءَ کت۔ بنجاھی وزیر ءَ گوشت کہ الیکشن کمیشن تاریخی کار کنگ ءَ انت۔ پیپلز پارٹی ءُ ن لیگ ءِ واستہ سکروٹنی کمیٹی جوڑ بوتگ۔ دوئیں پارٹی آنی چیریں اکاونٹس در کپتگ انت۔ تحریک انصاف ءَ ساپ ءُ سلہ ایں رنگ ءَ فنڈز یکجا کتگ۔ فنڈنگ ءِ رپورٹس الس ءِ دیم ءَ ایر کنگ بہ بنت۔ آئیءَ گوشت کہ سیاسی گل آنی در ملکی فنڈنگ ءِ ھوالگ ءَ بینک اکاونٹس آنی پٹ ءُ پول الیکشن کمیشن ءِ تاریخی کار ات۔
