دسمبر اٹی ملکی برآمد آتیٹی نمان ودکی مسنے، عبدالرزاق داؤد

اسلام آباد۔ 04 جنوری (اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال انا دسمبر نا تُو اٹی برآمد آتیٹی تدوک آ مالی سال انا ہندا تُو انا مقابلہ ٹی نمان ودکی مسنے۔ سے شنبے نادے آ داڑے اسہ بیان اسے ٹی اوپارے کہ مچھی و تعلقدار مصنوعات ، پلاسٹک، سرمٹ، کاٹن فیبرک و برنج نا برآمد آتیٹی ترندی بسنے۔ اوپارے کہ بنگلہ دیش ، تھائی لینڈ، سری لنکا، ملائیشیا، قزاخستان ءِ برآمد آتیٹی ودکی مسنے۔ مردانہ گارمنٹ، ہوم ٹیکسٹائل ، برنج، لیڈیز گارمنٹ، جرسی و ٹی شرٹ انا برآمد آتیٹی ہم ودکی مسنے۔ اومستی پارے کہ روایتی مارکیٹ آتیٹی امریکہ، چین، ہالینڈ و اسپین ءِ برآمد آتیٹی ودکی مس وخت اس کہ برطانیہ، جرمنی ، اوغانستان ، روس و سعودی عرب ءِ برآمد آتیٹی کمتی مسنے۔ فروٹ، سوزی و سرجیکل ازباب آتا برآمد آتیٹی کمتی ریکارڈ کننگانے۔