اسلام آباد۔ 04 جنوری (اے پی پی) خلیج تعاون کونسل (جی سی سی) نا سیکرٹری جنرل نائف بن فلاح الحجراف (پگہ ) چارشنبے نادے آ پاکستان نا دورہ ءِ کیک۔ ترجمان دفترخارجہ نا رداٹ سیکرٹری جنرل، وزیرخارجہ مخدوم شاہ محمود قریشی نا سلہ غا پاکستان نا دورہ ءِ کننگ ءِ۔ دورہ ٹی سیکرٹری جنرل وزیرخارجہ تون ڈل انا کہول آ گپ وتران آن بیدس بنجائی وزیر خزانہ و محصولات و وزیراعظم نا سلاہکار واپار و زرکاری تون ہم اوڑدہی کیک۔ داداورہ فریق آتے تین پہ تینی کمکاری نا جاچ ءِ ہلنگ، پاکستان و جی سی سی نا باسک ملک آتا نیام اٹ واپاری و اقتصادی تعلقداری آ اول سرآن چکار کرسا چندی بشخ آتیٹی کمکاری ءِ پین مون آ دننگ نا موقع اس فراوان کیک۔ پاکستان و جی سی سی نا نیام اٹ دیرینہ خوشگوارتعلقداری ءِ۔ جی سی سی باسک ملک آتون پاکستان نا تعلقداری اسیجائی عقیدہ، قدر و دودوربیدگ نا سوگو بنداو تیا قائم ءِ۔ سیکرٹری جنرل نا دورہ غان پاکستان و جی سی سی نا نیام اٹ کمکاری پین سوگو مریک۔
