کوئٹہ۔ 04 جنوری (اے پی پی) وزیراعلیٰ بلوچستان میر عبدالقدوس بزنجو نا کنڈآن 2 ارب نا بنائی خڑچ آن بلوچستان اسکل ڈویلپمنٹ فنڈ انا ٹہیفنگ نا منظوری ءِ تننگانے فنڈ انا ٹہیفنگ نا مسخت صوبہ ٹی ٹیکنیکل اینڈ ووکیشنل نظام تعلیم ءِ سوگو بنداو تیا استوار کننگ ءِ۔ وزیراعلیٰ فنڈ انا ٹہیفنگ نا منظوری محکمہ محنت و افرادی قوت و ٹیکنیکل ایجوکیشن نا کنڈآن گدریفوک آ سمری آ تس پنجاب اسکل ڈویلپمنٹ فنڈ انا وڑآ بلوچستان اسکل ڈویلپمنٹ فنڈ انا ٹہیفنگ ءِ دمدستی وڑاٹ کننگک صوبائی محکمہ خزانہ فنڈ انا سیڈمنی نا زرکاری کیک زرکاری آن دوئی منافع بی۔ٹیوٹا(بلوچستان ٹیکنیکل ایجوکیشن اینڈ ووکیشنل ٹریننگ اتھارٹی) نا کمک اٹ ٹیکنیکل اینڈ ووکیشنل تعلیم نا مون آ دننگ کن کاریم اٹ اتنگک۔ بی ٹیوٹاملک انا گچین ٹیکنیکل ٹریننگ نا ادارہ غاتیٹی بلوچستان نا غیر تربیت یافتہ ورناتا تربیت نا بست وبند ءِ کیک۔ فنڈانا رداٹ تربیت کن غٹ ضلع غاتا ورناتے ضلعی کوٹہ نا رداٹ گچین کننگک وزیراعلیٰ پارت کرینے کہ ہیلکاری پروگرام نا بنا اینخو مالی سال 2021-22اٹی بی ۔ٹیوٹا نا دوئی فنڈ آن کننگے۔
