اسلام آباد۔ 04 جنوری (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ دروغ انا دوبہ و گندہ انگا سیاست آن نابود لیگ انا تاریخ پُر تموک ءِ، فارن فنڈنگ کیس اٹی ہم نابود آتے بوز ءِ ڈکھوئی تمانے۔ سے شنبے نادے آ مسلم لیگ ن نا راہشون احسن اقبال نا بیان آ ردعمل اٹ ڈاکٹر شہباز گل پارینے کہ نمل کالج و شوکت خانم ہسپتال نا برخلاف ہم پروپیگنڈا کننگا، فارن فنڈنگ کیس اٹی ہم نابود آتے بوز ءِ ڈکھوئی تمانے، تحریک انصاف چِل ہزار ڈونرز آتا لسٹ ءِ الیکشن کمیشن ءِ تسنے۔ اوپارے کہ مسلم لیگ ن برطانیہ ٹی پرائیویٹ لمیٹڈ وخت اس کہ پاکستان اٹی شریف خاہوت لمیٹڈ کمپنی نا وڑاٹ رجسٹرڈ ءِ، نابود آک پارٹی نا اکاؤنٹ آتے ہم منی لانڈرنگ کن کاریم اٹ ایسُر۔ اوپارے کہ نواز شریف پارٹی ءِ 10 کروڑ روپئی تس و بروک آ دے 4 کروڑ تینا اکاؤنٹ اٹی جمع کرے، وزیراعظم عمران خان نا جنگ ذاتی اف بلکن داملک انا گچین آخبت نا جہد ءِ۔ اسہ کنڈ سرٹیفائیڈ صادق و امین، ریاست مدینہ آ یخین تخوک آ وزیراعظم عمران خان ءِ ، ایلو کنڈعدالت آتیان سرٹیفائیڈ دُز و جعلساز و سسلین مافیاپاروک آ نروک آک ءُ۔
