فیصل آباد ۔3جنوری (اے پی پی): حال ء ُ اھیوا ل کاری ء ُشنگکاری ءِ ملکی وزیر فرخ حبیب ءَ گشتگ کہ احساس کفالت پروگرام ءِ ھاترءَ 250 ارب کلدار ایر کنگ بوتگ اَنت ء ُ 70 لکھ حکداریں حانداناں 12 ہزار کلدار بھر ء ُ بانگ کنگ بوہگءَ اَنت۔ آئی ءَ اے ھیالانی درشانی دوشمبے ءِ روچءَ احساس کفالت رجسٹریشن سنٹر سپورنس کمپلیکس ڈجکوٹ روڈ فیصل آباد ءِ ترء ُتاب ءِ موہ ءَ کتگ کہ ڈویژنل ڈائریکٹر احساس کفالت رجسٹریشن سنٹر ڈاکٹر فیاض احمدءَ آئی ءَ را شونست داتگ۔ ملکی وزیر ءَ سینٹر ءِ سرءَ ہمگرنچیں مردمانی ھاترءَ کتگیں چن ء ُ لانچانی چارء ُتپاسی کتگ۔ اے موہ ءَ گپ ء ُتران کتگء ُ آئی ءَ گشتگ کہ احساس کفالت پروگرامءِ تہا ہزاراں مردمانی رجسٹریشن بوہگءَ اِنت ، کسے ءَ تاں انگت رجسٹریشن ناکتگ آ وتی نزیکیں نادرہ سنٹر ءَ رجسٹریشن بہ کن اَنت۔ آئی ءَ گشتگ کہ ہمے پروگرام ءِ ھاترءَ 250 ارب کلدار ایر کنگ بوتگ اَنت ء ُ 70 لکھ حکداریں حاندا نی تہا 12 ہزار کلدار بھرء ُبانگ کنگ بوہگ ءَ اَنت۔ آئی ءَ گشتگ کہ شہری 8171 ءِ سرءَ وتی راجی پجار کارڈ نمبر ءَ سینڈ بہ کن اَنت ء ُ احساس راشن پروگرام ءِردءَ رجسٹریشن بہ کن اَنت ۔ چیا کہ ہرچ ہما مردم کہ پہ احساس کفالت پروگرام ءِ ھاترءَ بوت کنت آ احساس راشن پروگرام ءِ ھاترءَ ہم بوت کنت کہ اے پروگرام ءَ چہ 30 درسد کم نیاد ءَ آرت، روگھن، ڈال احساس راشن پروگرام ءِ ھاترءَ نامزد کریانہ سٹور ءَ چہ دست کپ اَنت۔ آئی ءَ گشتگ کہ احساس پروگرام ءِ مدءَ 120 ارب کلدار دیئگ بوہگءَ اِنت ء ُ یک سالے ءِ تہا 250 ارب کلدار احساس رجسٹریشن سنٹر ءِ مدءَ کمک حکومت ءَ داتگ۔ آئی ءَ گشتگ کہ احساس گریجویٹ ءِ ھاترءَ سکالر شپ ءِ ھاترءَ حکومت 50 ارب کلدار داتگ۔ آئی ءَ گشتگ کہ احساس پروگرام ءِ ردءَ 34 پروگرام چلگ ءَ اَنت کہ ہمے وڑءَ پنجاپ ءَ جان ء ُ سلامتی کارڈ دیئگ بوہگءَ اِنت کہ ایشی ءِ تہا 4 سد ارب کلدار دیئگ بوتگ کہ اے پروگرام ءِ ردءَ ہمک لوگے سالے 10 لکھ کلدار ءِ وتی پسند ءِ ڈاکٹرءَ چہ وتی پسند ءِ نادراہ جاہ ءَ علاج کُت کناں۔ آئی ءَ گشتگ کہ مزن وزیر عمران خان ریاست مدینہ ءِ نیمگ ءَ رہادگ اِنت ء ُلھس مھلوک ءِ دردءَ سرپد اِنت ء ُ نیزگاریں مردماناں ریلیف دیئگ ءَ اِنت۔
