اسلام آباد۔3جنوری (اے پی پی):چیف جسٹس گلزار احمد ءَ گوں کرک ءَ تیری مندر ءِ تر ءُ تاب ءَ آیگ ءَ جتا جتائیں ملک آنی ہندو یاتری آنی ڈل ءَ ادا سپریم کورٹ ءَ گند ءُ نند کت۔ دو شمبے ءَ آمید گس ءِ نیمگ ءَ جاڑی بوتگیں جار ءِ رد ءِ چیف جسٹس آف پاکستان ءَ ہندو یاتری آنی ڈل ءَ را وش اتک کت۔ ڈل ءَ گوں تران کنان ءَ چیف جسٹس گلزار احمد ءَ گوشت کہ پاکستان ءَ نیک راھی سگ ءُ اوپار کشی است، پاکستان ءَ ھمک شہری ءَ را سرجمیں نیک راھی آزاتی است انت، پاکستان ءِ آمید گس بنیاتی ھک آنی پاسبان انت۔ پاکستان ءِ آمید گس آں مدام کانود ءِ پاکستان ءِ چیر دستی ءَ گور برات آنی ھک آنی پاسبانی کتگ۔ اے موہ ءِ سر ءَ پاکستان ہندو کونسل ءِ چیئرمین ءُ باسک راجی اسمبلی ڈاکٹر رمیش کمار ءَ چیف جسٹس گلزار احمد ءَ را ڈل ءِ بابت ءَ گوشان ءَ سپریم کورٹ آف پاکستان ءِ گور آنی ھک آنی ھوالگ ءَ گامگیج آناں ساڑات۔ ڈاکٹر رمیشن کمار ءَ چیف جسٹس گلزار احمد ءَ گوں کرک مندر ءَ آپ، گیس ، واش روم، درمان ءُ ساپ ءُ سلہ ئی وڑیں المی ایں آسراتی آنی زبھری ءُ نیستی ءِ ھوالگ ءَ سرپد کت۔ ایشی ءِ پد ءَ چیف جسٹس گلزار احمد ءَ گوشت کہ آ اے جیڈھ ءَ را توامیں کارندہ آناں بہ پجارین ایت۔ ڈل ءَ گند ءُ نند ءِ واستہ وھد دیگ ءِ پد ءَ چیف جسٹس گلزار احمد ءِ شگر ءُ منت واری گپت۔
