چکوال ۔3جنوری (اے پی پی):ہندو یاتری کٹاس راج مندر ءِ سر ءَ حاضری ءَ چہ پد لاہور ءَ روانگ بوت۔ سرجمیں ھال آنی رد ءَ دو شمبے ءَ نیم روچ ءَ دو سد ہندو زیارت کنوک آنی ٹولی کمو دیر ءِ واتہ وتی نیک راھی شرپ مندیں ھند ءُ جاہ کٹاس راج ءِ دمگ ءَ کمو جھل ات، ادا آواں نیک راھی رسم پیلو کت انت ، وتی نیک راھی رسم آنی پیلو کنگ ءُ ادا دو کلاک ءِ جھلگ ءَ چہ پد ہندو یاتری آنی قافلہ یک شلی ءَ لاہور ءَ واپس بھارت ءِ واستہ روانگ بوت۔ اے موہ ءِ سر ءَ ڈی پی او چکوال محمد بن اشرف ءِ پنت ءُ شون ءِ پد ءَ سیکورٹی ءِ ترندیں گامگیج کنگ بوتگ۔ اے ساھت ءَ ایلیٹ فورس ءُ مجاہد سکوارڈ ءِ ٹروپ آں گشت کت۔ ٹریفک ءِ روگ ءُ آیگ ءَ را برجا کنگ ءِ واستہ ٹریفک پولیس ھم ڈیوٹی کنگ ءَ اتنت۔ واک تھرو گیٹ، میٹل ڈیٹیکٹرز، بیریئرز ءُ کنٹگی تار ھم ھمے جاھاں جنگ بوتگ ات، ساجد گوندل SDPO چوآسیدن شاہ ءُ عاطف رضا SHO چوآسیدن شاہ ڈیوٹی کنگ ءَ اتنت ملازم آنی ڈیوٹی ءِ درگت ءَ وھد وھد ءِ سر ءَ چیک ءُ بریف ھم آ کنگ ءَ اتنت۔
