اسلام آباد۔ 03 جنوری (اے پی پی) وزیراعظم عمران خان (اینو دوشنبے نادے آ) پاک چائنا بزنس انویسٹمنٹ فورم نا بناءِ کننگ نا دود اٹی مہمان خاص مریک۔ وزیراعظم آفس نا میڈیا ونگ آن جاری بیان نا رداٹ پاک چائنا بزنس انویسٹمنٹ فورم زرکاری بورڈ پاکستان و آل پاکستان چائنیز انٹرپرائز ایسوسی ایشن نا شریداری اٹ جوڑ کننگانے ہرانا مسخت پاکستان اٹ چینی کمپنی تا زرکاری ٹی ودکی و بزنس ٹو بزنس و صنعتی کمکاری ءِ مون آ دننگ ءِ۔ تدوک آ سال مارچ اٹی مروک آ چین پاکستان اقتصادی راہداری بزنس کانفرنس اٹ 70 آن زیات کمپنی تا بشخ ہلنگ آن پد بزنس ٹو بزنس کمکاری ءِ ودفنگ کن پاکستان اٹ چینی سفارت خانہ و زرکاری بورڈ انا کمک اٹ بزنس فورم نا بنداو ءِ تخنگ آ امنا مسوسس۔ فورم اٹی 18 چینی و 19 پاکستانی کمپنی اوار ءُ۔ فورم نا جوڑ کننگ نا مسخت پاکستان اٹی پائیدار زرکاری، برآمدی صنعت آتا شونداری و شونہالی و پوسکن آ ٹیکنالوجی نا بشخ آتیٹی کمکاری ءِ ودفنگ ءِ۔ داوخت آ وزیراعظم دود آن تران ہم کیک۔

متعلقہ مضامینمصنف کی طرف سے مزید