تدوک آ 24 گھنٹہ ٹی کورونا دین انا 708 پوسکن ءُ کیس، 2 مرک رپورٹ مس، این سی او سی

اسلام آباد۔ 03 جنوری (اے پی پی) مچ آ ملک اٹی تدوک آ 24 گھنٹہ ٹی کورونا دین آن 2 مرک مس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 708 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑ آتا بیٹ کچ انا رداٹ پشاور اٹی 12 درسد، اسلام آباد اٹی 7 درسد، لاہور اٹی 11 درسد و سرگودھاٹی 13 درسد ناجوڑ ءُ۔ ہنداوڑاٹ ملک انا چار بھلا شارتیٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ سرگودھاٹی 8 درسد، پشاور اٹی 8 درسد، گجرات اٹی 15 درسد و اسلام آباد اٹی 13 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 45 ہزار 643 ٹیسٹ کننگا ہرافتیان سندھ اٹی 14 ہزار 904، پنجاب اٹی 16 ہزار 306، خیبرپختونخوا ٹی 10 ہزار 27، اسلام آباد اٹی 3 ہزار 603، بلوچستان اٹی 238، گلگت بلتستان اٹی 218 ٹیسٹ، آزاد کشمیر اٹی 347ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 57 ہزار 168 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 76 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 11 ہزار 124 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 97 ہزار 235 ءِ ہرافتیان آزاد کشمیر اٹی 34 ہزار 667، بلوچستان اٹی 33 ہزار 644، گلگت بلتستان اٹی 10 ہزار 429، اسلام آباد اٹی 1 لکھ 8 ہزار 755، خیبرپختونخوا ٹی 1 لکھ 81 ہزار 469، پنجاب اٹی 4 لکھ 45 ہزار 445 و سندھ اٹی 4 لکھ 82 ہزار 826 ناجوڑ ءُ۔ مچ آ ملک اٹی کورونا دین آن زوال کروک آتا کچ 28 ہزار 943 مسنے۔ ہرافتیان سندھ اٹی 7 ہزار 673 مرک، پنجاب اٹی 13 ہزار 74 وخت اس کہ تدوک آ 24 گھنٹہ ٹی اسہ ناجوڑ اس ہسپتال اٹی دادین آن زوال کرے، خیبرپختونخوا ٹی 5 ہزار 933مرک وخت اس کہ تدوک آ 24 گھنٹہ ٹی 1 ناجوڑ اس ہسپتال اٹی دادین آن زوال کرے، اسلام آباد اٹی کل 967مرک، بلوچستان اٹی کل 364 مرک، گلگت بلتستان اٹی 186 مرک، آزاد کشمیر اٹی دادین آن 746 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 35 لکھ 14 ہزار 774 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 705 ناجوڑ درمان مننگ ءُ۔