سندھ ءِ الس  جان سلامتی کاٹ ءِ آسراتی ءَ چہ زبھر انت، سر وزیر سندھ ءُ پی پیپی سندھءِ الس آں چہ  چے چیز ءِ بدلہءَ گرگ ءَ انت ؟ بنجاھی وزیر اھوالکاری ءُ شنگ کاری چوہدری فواد حسین ءِ میڈیا ءَ گوں تران

کراچی ۔2جنوری  (اے پی پی): بنجاھی وزیر اھوالکاری ءُ شنگ کاری چوہدری فوادحسینءَ گوشت کہ سندھ ءِ الس  جان سلامتی کاٹءِ آسراتی ءَ چہ زبھر انت، سر وزیر  سندھ ءُ پیپلز پارٹی  نہ زاناں سندھءِ الس آں چہ چیز ءِ بدلہءَ گرگ ءَ انت،شہبازشریف ءَ نوازشریف ءِ واپسی ءِ واستہ بیان ءِحلفی جم  کنائینتگ بلئے نواز شریف  واپس نہ ائیت، نوازشریف ءِ واپسی ءِ واستہ اٹارنی جنرل ءَ  را گوشتگ کہ آ اے جیڈھ ءَ  را میاں اوستمانی  آمید گس ءِ دیم ءَ بہ بارت، فنانس مٹ ءُ بدلی بل ءِ سر ءَ توامیں ھمبرا ھیں مردم مئے گوما انت۔ یک شمبےءِ روچ ءَ  میڈیا ءَ گوںتران کنان ءَ  بنجاھی وزیر اھوالکاری ءُ شنگ کاری  ءَ گوشت کہ پنجاپءَ جان سلامتی کاٹ ءِ آسراتی پجاری کنگ بوتگ۔جان سلامتی کاٹ جوانیں  پروگرام ات ایشی ءِ چیر دستی ءَ سرکاری  ءُ جندی ہسپتال  آں چہ علاج ءِ آسراتی   در جنگ بوت  کنت، جان سلامتی کاٹ پروگرام بندات بوھگ ءَ چہ ملک ءَ گیش  پرائیویٹ ہسپتال  جوڑ بیت، فنڈزآنی  دستیابی ءَ چہ سرکاری ہستال آنی جاور گہتر بیت۔  آئی  ءَ گوشت کہ  سندھ ءَ شہری آناں جان سلامتی کاٹ ءِ آسراتی پجاری کنگ ءِواستہ سندھ حکومت ءَ را پروگرام ءَ    ھوا ر بوھگ لوٹ ایت۔