اسلام آباد۔2جنوری (اے پی پی): مزن وزیر ءِ مشیر برائے تجارت عبدالرزاق دائود ءَ گوشت کہ دسمبر ءِ ساھت ءَ پاکستانی برامدات آنی تہ ءَ ھمک سال ءِ بنیات ءَ (دسمبر 2020 ءِ مقابلہ ءَ) 16.7 درسد گیشی بوتگ، برآمدات آنی کساس 2 ارب 76 کروڑ 10 لکھ ڈالر گوتگ، گوستگیں سال دسمبر ءَ 2 ارب 36 کروڑ 60 لکھ ڈالر ءِ برآمدات کنگ بوتگ۔ یک شمبے ءِ روچ ءَ وتی بیان ءَ عبدالرزاق دائود ءَ گوشت کہ گوزوکیں مالی سال دسمبر ءَ برآمدات ءِ کچ ءُ کساس 2 ارب 80 کروڑ ڈالر بوتگ۔ گوزوکیں مالی سال ءِ اولی شش ماہ آنی تہ ءَ برآمدات ءِ تہ ءَ ھواریں رنگ ءَ 25 درسد ءِ گیشی بوتگ۔ مشیر تجارت ءَ گوشت کہ گوزوکیں سالی سال ءِ اولی شش مال آنی تہ ءَ 15 ارب 12 کروڑ 50 لکھ ڈالر ءِ برآمدات بوتگ ءُ گوزتگیں مالی سال ءِ ھمے ساھت ءَ برآمدات ءِ کساس 12 ارب 11 کروڑ ڈالر بوتگ۔ آئی ءَ گوشت کہ گوزوکیں مالی سال ءِ اولی شش ماہ آنی تہ ءَ برآمدات ءِ گیشنتگیں ھد ءُ ابید 15 ارب ڈالر ایر کنگ بوتگ۔
