اسلام آباد۔1جنوری (اے پی پی): مزن وزیر عمران خان ءَ گوشت کہ کانود ِ سروکی ءَ کنوکیں چاگرد دیمروئی کت کناں، ھرچی بنی آدمی چاگرد بنی کریم ﷺ ءِ سیرت ءُ کرد ءِ سروکیءَ کنت آ دیمروئی کت کنت وھدیکہ میاں اوستمانی اسلامی شاہزانت آں گوشتگ کہ اسلامی چاگرد ءِ واستہ نبی کریم ءِ درئیں دانک ءُ دین ءِ پد ءُ رندی کنگ لوٹ ایت، کرد سازی ، عدل، انصاف ءُ اخلاق مئے وانگ ءِ ارزشتی ایں بھر بہ بنت، سیرت النبی ﷺ مئے نظام وانگ ءُ زانگ ءِ رھبند بہ بنت، ریاست یک طاقت ات ءُ ھمے طاقت ءِ پد ءُ رندی ءَ سنت زندگ بنت، مدینہ ءِ معاشرہ علم ءِ بنیات ءَ جوڑ بوتگیں روشن ھیالیں چاگرد ءِ بوتگ۔
مزن وزیر عمران خان ءَ شمبے ءِ روچ ءَ رحمت اللہ لعالمین اتھارٹی ءِ چیر دستی ءَ ریاست مدینہ ،اسلام ، معاشرہ ءُ اخلاقی آگاہی ءِ بن گپ ءِ سر ءَ آن لائن مکالمہ ءِ میزبانی کت۔ سیمینار ءَ گوں جارج واشنگٹن یونیورسٹی امریکار ءِ اسلامک سٹیڈیز ءِ پروفیسر ڈاکٹر سید حسن نصر، زیتونا کالج امریکا ءِ صدر ڈاکٹر حمزہ یوسف ، کیمبرج مسلم کالج برطانیہ ءِ ڈین ڈاکٹر عبدالحکیم ، ملائیشیا ءَ گوں سیادی داروکیں سسا ساچ ڈاکٹر چندرا مظفر ، ڈاکٹر عثمان باقر، ابن خلدون یونیورسٹی ترکی ءِ ریکٹر ڈاکٹر رجب شنتک، متحدہ عرب امارات ءِ فتوا کونسل ءِ چیئرمین عبداللہ بایا ءَ ھم گشتانک دات۔ مزن وزیر ءَ سیمینار ءِ بنگیج ءَ کنان ءَ گوشت کہ توامیں شریک آناں وش اتک کنان ءَ گوشت کہ اے سیمینار ءَ شریکیں اسلامی اسکالرز آں چہ ایوک ءَ بنیاتی سوال جست گرگی انت آ مسلم دگنیا ءِ ورنا آنی واستہ ارزشت ءِ دار انت، آ جست ایش انت کہ مئے پیغمبر حضرت محمدﷺ ءَ مدینہ ءَ آیگ ءَ بگر تاں رخصت ءِ وھد ءَ دھ سال آں تاں چے کتگ کہ مردم آناں یکپارگی مٹ کتگ، ھما مردم آنی دگنیا ءَ اچ ارزشت نہ بوتگ ھما مردم دگنیا ءِ رھبر جوڑ بوتگ انت۔ جارج واشنگٹن یونیورسٹی امریکا ءِ اسلامک سٹیڈیز ءِ پروفیسر ڈاکٹر سید حسن نصر ءَ ایشی ءِ پسو دیان ءَ گوشت کہ اے جست ءِ پسو ءَ گچین کنگ ءِ پد ءَ آواناں وشی بوتگ ، چیا کہ گوستگیں وھد ءُ پاس ءِ ساھت ءِ اسلامی دگنیا ءَ لستیں انچیں لیکہ ودی بوتگ انت کہ ایشاں پیغمبر ﷺ ءُ وت اسلام ءِ ارزشت ءَ را کم کنگ ءِ کوشست کتگ۔ ما دیستگکہ بازیں ملک آں جتا جتائیں وڑ وڑیں نمونگ ایشانای گر ءُ دار ءِ واستہ کوشست کت۔ بازیں جنز چست بوت۔ ھمےھاترا دلگوش دیگ باز المی انت۔ آئی ءَ گوشت کہ اللہ پاک ھمائی ء گوں دوستی کنت ھما کہ وتی نبی ﷺ ءَ گوں محبت کنت۔
