اسلام آباد۔1جنوری (اے پی پی):صدرمملکت ڈاکٹرعارف علوی ءَ گوشت کہ حکومت ملک ءَ گور آنی ھک آنی رکھینگ ءِ واستہ توامیں گامگیج کنگ ءَ انت۔ بھارت ءِ رد ءَ پاکستان ءَ درئی نیک راھ انی نماھندگی گیش انت ءُ گور آناں گیش ھک دیگ بوتگ ۔ آئی ءَ اے گپ راجی اسمبلی ءِ باسک نند لال ملہی ءِ سروکی ءَ درئی نیک راھ آنی منوک آنی ڈل ءَ گوں کراچی ءَ گورنر گس ءَ گوں گند ءُ نند ءِ ساھت ءَ کت۔ صدر ءِ مملکت ءَ گوشت کہ صوبہ سندھ نیک راھی وت مہ وتی یکوئی ءُ سگ ءُ اوپار ءِ ھوالگ ءَ دراج بریں پشدر ءِ دار ایت۔ آئی ءَ گوشت کہ بابائے راج قائداعظم محمد علی جناح ءَ مدام ملک ءِ توامیں شہری آنی یکیم ءُ “مسلک” آنی وت مہ وتی ھمگونگیں ھک ءُ بسار ءِ گپ کتگ۔ آئی ءَ گوشت کہ حکومت ءَ ملک ءَ نیک راھی سیاست ءِ دیمروئی ءِ واستہ بازیں گامگیج کتگ، تھرپارکر، عمر کوٹ، ءُ ٹھٹھہ ءَ ہندومت ءُ بدھ مت ءِ تاریخی نیک راھی ڈمب ءُ اے دمگ آنی تہ ءَ سیل ءُ سواد ءِ دیمروئی دیگ ءِ ضلورت انت۔ صدر ءِ مملکت ءَ پاکستان ءِ دیمروئی ءَ گور آنی کرد آناں ھم ساڑات۔
