اسلام آباد۔1جنوری (اے پی پی):سپیکر راجی اسمبلی اسد قیصر ءَ گوشتکہ ورنا ئیں نودربر مئے آیوکیں باندات ءِ جوڑیشت کار انت ، مئے ورنا آں قائداعظم، علامہ اقبال ءُ ڈاکٹر عبعدالقدیر خان جوڑ بیت، ملک ءَ را چاگری اقتصادی دیمروئیءِ کشک ءَ رھادگ کنگ ءِ واستہ مئے ورنا جوانیں بستار ءِ دار انت۔ مئے نیک راھ درستانی واستہ وانگ ءُ زانگ ءِ در جنگ ءِ واستہ زور پر دینت۔ شمبے ءِ روچ ءَ سپیکر راجی اسمبلی اسد قیصر ءَ نمل یونیورسٹی ءِ 16 شانزدھمی کانووکیشن ءَ گوشتانک دیان ءَ گوشت کہ من وتی زندمان ءِ 14 سال ایجوکیشن ءِ گوما گوازینتگ، استاد ھم چاگرد ءَ بنی آدم آنی کسمت آنی مٹ کنگ ءِ بنیاتی کرد پیلو کنگ ۔ منی پت ءِ واھشت بوتگ کہ من استاد ءِ جوڑ بہ باں، منی بنیاتی واھشت بوتگ کہ من سیاستدان ءِ جوڑ بہ باں، اسد قیصر ءَ گوشت کہ راج آنی آیوکیں باندات ءِ روشنا کنگ ءَ استاد بندات کرد پیلو کت کناں، آئی ءَ گوشت کہ ٹوھیں ٹارگٹ بنی آدم ءَ را کامیاتی ءِ کوھنڈگ آں سر کنت۔ آئی ءَ گوشت کہ ورنا آناں وھد ءِ لوٹ ءِ رد ءَ انفارمیشن ٹیکنالوجی ءِ شوبگ ءَ ازم در جنگ المی انت۔
