اسلام آباد۔31دسمبر (اے پی پی):حال ءُ اھیوال کاری ءُ شنگکاری ءِ بنجاہی وزیر چوہدری فواد حسین ءَ گشتگ کہ فنانس ترمیمی ایکٹ ءِ تہا درملکی ڈرامہ ء ُ اشتہارات ء ِ ھاترءَ درملکی ماڈل زورگ ءَ ٹیکس آنی تہا گیشی کنگ ءِ مول ء ُ مراد پاکستان ءِ فلمی صنعت ء ُ ازمکاراناں رکینگ اِنت ۔ جمعہ ءِ روچءَ وتی یک ٹویٹ ءِ تہا آئی ءَ گشتگ کہ فنانس ترمیمی ایکٹ ءِتہا سنیما ء ُ فلم پروڈکشن ءِ مشین آنی سرءَ ٹیکس گرگ نابوتگ، نوں درملکی ڈرامہ درآمد کنوک ء ُ اشتہارات آنی سرءَ درملکی ماڈل زورگ ءَ گیش ٹیکس گرگ بیت۔ اے گامگیج ءِ مول ء ُمراد پاکستان ءِ فلمی صنعت ازمکاراناں رکینگ اِنت۔
