لاہور۔31دسمبر (اے پی پی): مزن وزیر عمران خان ءَ گشتگ کہ 400 ارب کلدار ءِ حرچءَ چہ پنجاپ ءِ ہمک حاندان ءِ ھاترءَ ہیلتھ انشورنس پلاحی ریاستءِ نیمگ ءَ چہ ملکی راج دپتر ءِ درستاں چہ مستریں گامگیج اِت۔تاں مارچ 2022 ءَ پنجاپ ءِ ہمک ھاندان ءِ گورءَ جان ءُ سلامتی کارڈ بیت کہ آئی ءَ چہ سالے 10لکھ کلدار ءِ علاج ءِ آسراتی دیئگ بیت، خیبر پختونخوا ءَ ہمک حاندان ءَ را جان ءُ سلا متی کارڈ دیئگ بوتگ وہدےکہ بلوچستان، آزاد کشمیر، گلگت بلتستان ءَ ہم ہمک حاندان ءَ را کارڈ سرکنگ بیت۔ آ جمعہ ءِ روچءَ گورنر گس لاہور ءَ نوکیں پاکستان راجی جانء ُ سلامتی کارڈ ءِ بھر ء ُ بانگی مراگش ءَ گوں تران کنگءَ بوتگ۔ اے موہ ءَ پنجاپ ءِ گورنر چوہدری محمد سرور، پنجاپ ءِ سروزیر سردار عثمان بزدار، حالءُ اھیوا ل کاری ء ُ شنگکاری ءِ بنجاہی وزیر چوہدری فواد حسین، ملکی وزیر فرخ حبیب مزن وزیر ءِ حاسیں کمک کار ڈاکٹر شہباز گِل، جانء ُ سلامتی ءِ صوبائی وزیر ڈاکٹر یاسمین راشد ءَ ہوار بنجاہی و صوبائی وزیر ء ُ راجی اسمبلی ءِ باسک ہم ساڑی بوتگ اَنت۔
