اسلام آباد۔31دسمبر (اے پی پی): ایوان صدر اسلام آباد ءِ جامع مسیت ءَ چہ ” اسلام ءِ تہا حاندانی نظام ءِ ارزشت” ءِ سرحال ءِ سرءَ جمعہ ءِ خطبہ تچک ءَ تچک شنگ کنگ بوتگ۔ ڈاکٹر انیس احمد ءَ جمعہ ءِ خطبہ داتگ۔ ایوان صدر ءِ احکام ء ُ کارداراں جمعہ ءِ نماز ونتگ۔ ڈاکٹر انیس احمد ءَ جمعہ ءِ خطبہ ءِ تہا قرآن و سنت ءِ روژنائی ءَ حاندان ءِ ارزشت ء ُ تقویٰ ءِ فضیلت ءَ را پدر کتگ۔ آئی ءَ گشتگ کہ حاندان تربیت دیئگ ءِ اولی ادارگ بیت، حاندان چاگرد ءَ را رکینگ ءِ ضمانت ءَ دنت۔ آئی ءَ گشتگ کہ اسلام ء ِ ارزشت ھاندان ءِ تہا مردین آدم ءُ جنین آدم ہم کچ اَنت، اللہ تعالیٰ ءَ یک نفسے ءَ چہ یک آئی جوڑی جوڑ کتگ۔ آئی ءَ گشتگ کہ اللہ تعالیٰ ءَ تقویٰ کنگ ءِ حکم داتگ، تقویٰ ءِ بزانت اللہ ءِ رضا حاصل کنگ اِنت، اللہ ءِ رضا حاصل کنوک متقی بیت۔ اے موہءَ ملک ء ُ راج ءِ سلامتی، دیمروئی ء ُ وشھالی ءِ ھاتردعاکنگ بوت۔ زانگ بہ بیت کہ ملک مستر ڈاکٹر عارف علوی ءِ پنت ء ُشون ءِ پد مردمانی سرپدی ءِ ھاترءَ ایوان صدر ءِ جامع مسیت ءَ چہ جمعہ ءِ خطبہ تچک ءَ تچک شنگ کنگ بیت۔
