لاہور۔31دسمبر (اے پی پی): مزن وزیر عمران خان ءَ سر وزیر پنجاپ سردارعثمان بزدر ءَ را الس ءِ جان ءُ مال ءُ سیت آنی رکھینگ ءِ واستہ ناشرکار، امبار آں مچ کنوک ءُ جاگہ آنی سرءَ غیر کانودی ءَ قبضہ کنوکانی ھلاپ ءَ گامگیج چست کنگ ءِ پنت ءُ شون کتگ۔ جمعہ ءِ روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ اے پنت ءُ شون مزن وزیر ءَ پنجاپ ء سروزیر سردار عثمان بزدار ءَ گوں تران کنانءَ کتگ کہ آیاں گوں یکے دومی ءَ گندء ُ نند کتگ۔ گندءُ نندءَ سول انتظامیہ ء ُ امنء ُ ایمنی ءِ ہوالگ ءَ ھیال ءُ لیکہءِ درشانی کنگ بوتگ۔ دیوان ءَ پنجاپ چیف سیکرٹری کامران علی افضل ء ُ پنجاپ ءِ آئی جی راؤ سردار علی خان ہم ہوار بوتگ۔ مزن وزیر ءَ صوبہءِ لھس مھلوک ءَ را زوت ءُ ا رزانی ءَ کمک ء ُ ازمت سرکنگ ءِ پنت ء ُ شون کتگ۔
