اسلام آباد۔30دسمبر (اے پی پی): بنجاھی وزیر ھزانگ شوکت ترین ءَ گوشت کہ مالیاتی سپلیمنٹری بل ءَ چہ الس ءِ سر ءَ بار لڈگ ءِ گپ بے سر ءُ پادین انت، مالیاتی سپلیمنٹری بل ءَ چہ گران بھائی ءِ گیش بوھگ ءِ گپ دروگ ءُ بٹاک انت۔ ایشاں شنگ ءُ تالان کنگ بوتگ۔ حکومت ءَ اے رنگیں اچ گامگیج چست نہ کتگ آئی ءَ چہ گریب آں بار ءِ لڈگ بہ بیت۔ نوکیں ٹیکس نہ جنگ ءَ آں بلکینگ ءَ بل ءَ چہ 343 ارب کلدار ءِ ٹیکس ءِ یلو کنگ ءِ بابت ءَ چار ءُ بچار کنگ ءَ آں، لس مردم ءِ واستہ ایوک ءَ 2 ارب کلدسار ءِ ٹیکس یلوئی ءِ سر ءَ چار ءُ بچار انت، درآمدی سامان آنی سر ءَ میاں اوستمانی منڈی آنی تہءَ قیمت ءَ را گیش ودینگ ءَ چہ پاکستان ءَ ھوار بازیں ملک آماچ بوھگ ءَ انت۔ لوٹاں کہ ملکی ادارگ آناں گیش مھم ءُ وت مستر جوڑ کنگ بہ بیت۔ اے ھیالانی درشانی آئی ءَ پنچ شمبے ءَ وزیر ءِ مملکت اھوالکاری ءُ شنگ کاری فرخ حبیب ءِ ھمبراھی ءَ پریس ءَ گوں گشتانک دیان ءَ کت۔ وزیر ءِ ھزانگ ءَ گوشت کہ کشت ءُ کشاری درمن، کد ءُ ٹریکٹرز آنی سر ء سیلز ٹیکس نہ جنگ ءَ آں، بل ءَ 343 ارب کلدار ءِ ٹیکس ءِ یلوئی ءِ سر ءَ شور ءُ مشور انت ایشی ءِ مول ءُ مراد دگہ نوکیں ٹیکس ناں 70 ارب کلدار ءِ ٹیکس آناں یلوئی ءَ لگژری آئٹم ھوار انت وھدیکہ لس مردم ءِ واستہ ایوک ءَ 2 ارب کلدار ءِ ٹیکس یلوئی ءِ سر ءَ چار ءُ بچار کنگ بوھگ ءَ انت۔
