اسلام آباد۔30دسمبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ فنانس بل ءِ ھوالگ ءَ ممبر آناں سرپد کنگ بوتگ۔ ممبر آنی ھک انت کہ پیش کتگیں بل آنی ھوالگ ءَ آواناں سرپد ءُ سئیگ کنگ بہ بیت۔ پنچ شمبے ءِ روچ ءَ پارلیمانی پارٹی دیوان ءَ چہ پد پارلیمنٹ گس ءَ میڈیا ءَ گوں تران کنان ءَ وزیر ءِ درئی کار ءَ گوشت کہ فنانس بل ءِ ھوالگ ءَ وزیر ءِ ھزانگ ءَ ممبر آنی جست آنی پسو دات انت وھدیکہ اسٹیٹ بینک ایکٹ ءِ مٹ ءُ بدلی ءِ ھوالگ ءَ استیں شک ءُ پک آناں دور کنگ بوتگ۔ شاہ محمود قریشی ءَ گوشت کہ پارلیمنٹ ءَ را اے ھک است انت کہ اگاں کجام یک جاھے ءَ کانود لگت مال بوھگ ءَ انت گڈایشرا لس مردمی گیشی ءَ چہ ایشی اندر ءَ مٹ ءُ بدلی کنگ بوت کنت۔ آئی ءَ گوشت کہ سٹیٹ بنک ایکٹ ءَ مٹ ءُ بدلی ءِ ھوالگ ءَ ممبر آناں سرپد کنگ بوتگ۔ کیبنٹ ءِ ھاسیں دیوان ءَ ھم فنانس بل ءِ سر ءَ ھیال ریچی بوتگ۔
