اسلام آباد۔29دسمبر (اے پی پی): بنجاھی وزیر برائے منصوبگ بندی دیمروئی ءُ گہتری ءُ ھاسیں گامگیج اسد عمر ءَ گوشت کہ سی پیک پاکستان پاکستان ءِ ھواریں دیمروئی گتامگیج ءِ یک میگا پراجیکٹ بوھگ ءِ گوما چین ءُ پاکستان ءِ نیام ءَ اقتصادی یکوئی آنی بن ھشت ات، پاکستان ءَ ھاسیں اقتصادی زونز آنی تہ ءَ سرمایہ کاری ءِ کار ءَ را ناں ایوک ءَ چینی کمپنی بلکینگ ءَ ایندگر میاں اوستمانی سرمایہ کار آنی واستتہ ھم آسان جوڑ کتگ، سی پیک ءِ چیر دستی ءَ گیشتریں منصوبگ 2021 ءَ آسر ءِ نزیک انت۔ گوزوکیں سال ء، ساھت ءَ سی پیک ءَ را شاھیگانی ھم گندگ بوتگ۔ خیبر پختونخوا ءَ رشکئی ءُ سندھ ءَ دھابیجی ءِ ھاسیں اقتصادی زون آنی رنگ ءَ زیر جوڑیشت انت۔ گوادر ءَ ھاسیں اقتصادی زون آنی شاھیگان کنگ ءِ منصوبگ ءِ وستہ ھم زوت پکو کنگ ءِ منظوری دیگ بیت۔ اے ھیالانی درشانی آئی ءَ چار شمبے ءِروچ ءَ چین پاکستان اقتصادی راہداری ءِ اولی فیز ءَ جوانیں کار کرد ءِ درشان کنوکیں 27 پاکستانی باسک ءُ کارندہ آناں ایوارڈ بھر ءُبانگ کنگ ءِ چینی سفارتخانہ ءَ برجم بوھوکیں یک جوانیں مراگشے ءَ گوں گشتانک دیان ءَ کت۔ بنجاھی وزیر ءَ گوشت کہ کویڈ-19 ءَ ابید سال 2021 ءَ سی پیک ءَ جوانیں دیمروئی گندگ بوتگ۔ مزن وزیر ءَ لستیں ماہ پیسر ھما شمالی زون ءِ بنگیج کتگ آ جنوبی زون ءَ چہ 35 درسد ٹوھ تر انت ءُ اے سی پیک ءِ ددیمروئی ءُ آیوکیں باندات ءِ ھوالگ ءَ پاکستان ءِ جزم ءِ درشان ءَ کت۔ آئی ءَ گوشت کہ سی پیک ءِ دومی فیز ءَ دوئیں ملک کشت ءُ کشار ءُ سائنسی ٹیکنالوجی ءِ شوبگ آنی سر ءَ دلگوشی دیگ ءَ انت۔ اسد عمر ءَ گوشت کہ جے سی سی ءِ 10 دھمی دیون ءَ پاکستان پاکستان ءُ چین ءَ انفارمیشن ٹیکنالوجی ءِ شوبگ ءَ یکجائی ءَ کار کنگ ءِ واستہ یک تپاک نامہ ءِ سر ءَ دست چنگل جتگ۔ چین ءَ انفارمیشن ٹیکنالوجی ءِ شوبگ ءَ جوانیں دیمروئی کتگ ءُ پاکستان نوں اے شوبگ ءَ جوانیں دیمروئی گندگ بندات کنگ ءَ انت ھمے رنگ کہ گوستگیں ساھت ءَ پاکستان ءَ چہ ڈن پاکستان انفارمیشن ٹیکنالوجی سروسز ءِ برآمدات آنی تہءَ 47 درسد ءُ گوزوکیں سال 38 درسد گیشی بوتگ۔ ھمے ھاترا انفارمیشن ٹیکنالوجی ءَ پاکستانی ءُ چینی کمپنی آنی واستہ بے کساس موہ است انت۔ بنجاھی وزیر ءَ گوشت کہ سی پیک ءِ توامیں شوبگ پراھ ءُ شاھیگان بوھگ ءَ انت ءُ اولی فیز ءَ بندات کتگیں بازیں منصوبگ سرجم بوتگ انت یا سرجم بوھگی انت۔ آئیءَ گیش گوشت کہ اے ناں ایوک ءَ پاکستان ءُ چین ءِ نیام ءَ یکوئی ءِ کد ءُ بالاد ءِ درور انت بلکینگ ءَ سی پیک منصوبگ ءِ سرجمی ءِ واستہ مئے مھکمیں سیادی ءُ یکوئی ءِ جزم ءِ درشان انت۔ آئی ءَ گوشت کہ بی آر آئی بندر ءَ تاریخی ات۔ چیا کہ ایشی ءِ سسا توامیں بنی آدم آنی دیمروئی ءُ شاتکامی ءِ واستہ کنگ بوتگ۔ بنجاھی وزیر ءَ گیش گوشت کہ صدر رشی جن پنگ ءِ ملک آنی نیام ءَ رابطہ ءُیکجائی وشھالی ءِ وسیلگ ءَ آسودگی ءَرا ودینگ ءِ وژن دگنیا ءِ واستہ یک لائک ءِ ستائیں نمونگ ات۔ اسد عمر ءَ کوویڈ-19 ھوپ ءِ ساھت ءَ پاکستان ءِ کمک کنگ ءِ پد ءَ چین ءِ توسیپ ھم کت۔ یک جستے ءِ پسو ءَ آئی ءَ گوشت کہ سی پیک ءِ ھلاپ کنوک ناں ایوک ءَ آب آنی وسیلگ ءَ سی پیک ءِ ھلاپ ءَ کنگ ءَ انت بلکینگ ءَ ناشرکاری ءِ سروکی ءَ کنگ ءَ انت۔ پدا ھم پاکستان رکھینگی گامگیج کنگ ءَ انت ءُ ناشرکاری کاروائی ءَ چہ سی پیک ءِ اچ منصوبگ آماچ نہ بوتگ۔ مراگش ءَ گوں گشتانک دیان ءَ پاکستان ءَ چین ءِ سفیر نونگ رونگ ءَ گوشت کہ اے سال چین ءُ پاکستان ءِ نیام ءَ سفارتی یکوئی آنی برجائی 70 ھپتادمی سال انت۔ ھوپ ءِ جیڈھ آں ابید سی پیک منصوبگ آں ٹوھیں کامیاتی در جتگ۔ ھوپ ءِ جیڈھ آں ابید سی پیک منصوبگ آں ٹوھیں کامیاتی در جتگ۔ اے سال ءِ ساھت ءَ دی پیک مدام مئے دوئیں ملک آنی دلگوش ءِ بنجاھ بوتگ۔ آئیءَ گوشت کہ 26 اکتوبر ءَ چینی صدر جن پنگ ءَ مزن وزیر عمران خان ءِ گوما ٹیلی فون ءِ وسیلگ ءَ تران کتگ ءُ سی پیک ءِ منصوبگ آنی سر ءَ وت مہ وتی ھواری ءُ یکجائی ءَ کار کنگ ءِ جزم ءِ درشان کتگ۔ ایشی ءِ چیر دستی ءَ کشت ءُ کشار ، ڈیجیٹل کانومی ءُ الس ءِ گہتریں زندمان ءُ ایشرا دیمروئی دیگ بیئت۔ ایشی ءَ چہ ھندی مردم سیت مند بنت۔ آئی ءَ گوشت کہ دوئیں سروک آں ، جان سلامتی ، صنعتی ، تجارتی ، ڈیجیٹل ءُ گرین کوریڈورز ءِ ٹوھیں جوڑیشت ءِ وتی جزم ءِ درشان کتگ، تانکہ سی پیک ءَ را بیلٹ اینڈ روڈ اینشی ایٹو ءِ جوانیں یمروئی ءِ واستہ منصوبگ آناں پکو کنگ بہ بیت۔ آئی ءَ گوشت کہ جے سی سی ءِ 10دھمی دیوان کامیاتی ءَ گوں برجا بوتگ، ایشی ءَ آیوکں باندات ءِ کمک ءِ کشگ آناں گیشینتگ ءُ انفارمیشن ٹیکنالوجی ءِ پڑ ءَ یک جتائیں یکجائی ورکنگ گروپ ءِ گیشی ءِ کتگ، ایشی ءَ چہ کمک آناں شاھیگانی ءِ نوکیں پڑ پچ بیت۔ سفیر ءَ گوشت کہ مزن وزیر عمران خان سی پیک ءَ را باز ارزشت دنت۔ پاکستنا ءِ حکومت ءَ سی پیک ءِ جیڈھ آناں مھکم ءُ گیوری کنگ ءِ واستہ چین پاکستان یکوئی اسٹیئرنگ کمیٹی برجا کتگ۔ آئی ءَ گوشت کہ سرمایہ کاری ءِ آسراتی ءِ واستہ سی پیک ءِ واستہ ھاسیں ویزا پالیشی سہرا کتگ۔ رکھینگی گامگیج آناں مھکم جوڑ کنگ ءِ واستہ یک در ملکی راجی سلامتی سیل ءِ جوڑ بکن انت۔ اے گامگیج آں چہ سی پیک ءِدیمروئی ءَ گیش دل یکیمی پیدا کتگ۔ آئی ءَ گوشت کہ دوئیں ملک آں یکجائی کوشست آں چہ مٹیاری لاہور ٹرانسمیشن لائن ءَ پاکستان ءَ را اے سی-ڈی سی پاور گرڈ ءِ یک نوکیں دیمروئی سفرے ءَ سر کتگ، کروٹ ہائیڈرو پاور پراجیکٹ ءَ آپ ءِ جم کنگ بندات کتگ ءُ گودر ٹیکنیکل اینڈ ووکیشنل انسٹی ٹیوٹ سرجم بوتگ۔
