اسلام آباد۔29دسمبر (اے پی پی): مزن گسی کارانی ملکی وزیر علی محمد خان ءَ گشتگ کہ انوگیں حکومت ءِ گامگیج کنگ ءِ سوب ءَ وئیلانی تہا باز کمی اَتکگ، ٹرین آنی رؤگ ء ُ آیگ ءِبابت ءَ سرپدی ءِ ھاترءَ ٹرین مانیٹرنگ اینڈ ڈیٹکشن سروس بندات کنگ بوتگ۔ چارشمبے ءِ روچءَ ایوان بالا ءِ دیوان ءَ سینیٹر مشتاق احمد ءِ دلگوشی کنائینگ ءِ نوٹس ءِپسوءَ علی محمد خانءَ گشتگ کہ پاکستان ریلوے مئے میراث اِنت، ریلوے بازیں سالاں چہ نقصان ءِ آماچ بوتگ، انوگیں حکومت ءَ تباہ بوتگیں ریلوے ءِ بحالی ءُ آئی ءَ را پائدگ دیئوکیں ادارگ جوڑ کنگ ءِ ھاترءَ بازیں گامگیج کتگ۔ آئی ءَ گشتگ کہ ریلوے پٹرولر ءِ بدل ءَ گینگ مین ریلوے لائن آنی ھیال داری ءَ کناں، پچیں پھاٹگ بوہگ ءِ سوب ءَ وئیل گیش بوتگ اَنت، 40 پچیں کراسنگ بھاٹک ہلاس ء ُ 156 منظور نابوتگیں کراسنگ بند کنگ بوتگ اَنت۔ ملکی وزیر ءَگشتگ کہ ریلوے ٹرین آنی وہد ءِ سرءَ آیگ ءِ شرح 80 درسد ءَ سربوتگ۔ آئی ءَ گشتگ کہ ریلوے لائن آناں رکینگ ءِ ھاترءَ سیفٹی ڈائریکٹوریٹ ءَ را محکم کنگ بوتگ، ٹرین آنی ٹرینکنگ ءِھاترءَ ٹرین مانیٹرنگ ایند ڈیٹکشن سروس بندات کنگ بوتگ۔ آئی ءَ گشتگ کہ ریلوے ءِ 213 ایکڑ ءَ چہ گیش زمین کہ مردماں آیانی سرءَ ناجائز قبضہ کتگ بوتگ آ پچ گرگ بوتگ اَنت، ریلوے ءِ 48 ارب کلدار کٹء ُکمائی کنگ بوتگ۔
