اسلام آباد۔29دسمبر (اے پی پی): مزن وزیر ءِ ھاسیں کمک کار سینیٹر ڈاکٹر ثانیہ نشتر ءَ چارشمبےءِ روچءَ اسلام آبادءَ گلگت بلتستان ءِ باسکانی شورء ُ صلائی ورکشاپ ءَ گوں تران کتگ۔ دوروچی ورکشاپ آغا خان رورل سپورٹ پروگرام، حکومت گلگت بلتستانءُ یورپی یونین ءِ کمک ءَ چہ کنگ بوتگ۔ آئیءِ سرھال نیزگاری ءِ ہلاسی ء ُ ورناہیں نسل ءَ را روزگارءِ موہ دیئگ بوتگ۔ ڈاکٹر ثانیہ ءَ احساسءِ شنگ …
مزن وزیر ءِ حاسیں کمکار سینیٹر ڈاکٹر ثانیہ نشتر ءِ گلگت بلتستان ءِ باسکانی شورء ُ صلائی ورکشاپ ءَ گوں تران
گیشتریں ھال
اسلام آباد۔29دسمبر (اے پی پی): مزن وزیر ءِ ھاسیں کمک کار سینیٹر ڈاکٹر ثانیہ نشتر ءَ چارشمبےءِ روچءَ اسلام آبادءَ گلگت بلتستان ءِ باسکانی شورء ُ صلائی ورکشاپ ءَ گوں تران کتگ۔ دوروچی ورکشاپ آغا خان رورل سپورٹ پروگرام، حکومت گلگت بلتستانءُ یورپی یونین ءِ کمک ءَ چہ کنگ بوتگ۔ آئیءِ سرھال نیزگاری ءِ ہلاسی ء ُ ورناہیں نسل ءَ را روزگارءِ موہ دیئگ بوتگ۔ ڈاکٹر ثانیہ ءَ احساسءِ شنگ کتگیں پروگرامانی سرءَ چمشانک داتگ۔ آئی ءَ گشتگ کہ احساس کفالت ء ُ احساس تعلیمی وظیفہ گلگت بلتستان ءِ درائیں تحصیل آں برجاہ اِنت، احساس نشووونما ء ُون ونڈو احساس بُنجاہ آناں گلگت بلتستان ءِ درائیں تحصیل آں شنگ کنگ بوہگء َ اِنت، اے وہد ءَ دیامر، استورء ُ کھرمنگ ءَ 8 احساس نشوور نما بُنجاہ کارکنگ ءَ اَںت وہدے کہ احساس راشن ءِ ھاترءَ ہم گلگت بلتستان ءِ درائیں تحصیل آں لوگ ء ُ دکانانی رجسٹرین جاری اَنت۔ آئی ءَ گشتگ کہ صوبہ آنی تہا کسانیں بیپار ءِ بندات کنگ ءِ ھاترءَ بے سوت ءَ وام دیئگ ءِ پروگرام ہم جوڑ کنگ بوتگ۔
