اسلام آباد۔29دسمبر (اے پی پی): حالء ُاھیوال کاری ء ُ شنگکاری ءِ ملکی وزیر فرخ حبیب ءَ گشتگ کہ حال ءُ اھیوال کاری ء ُ شنگکاری وزارت میڈیا جوڑ کنگ ءَ اِنت، ایشیءِتہا میڈیا ءِ بابت ءَ نوکیں ترز ءِ وانگء ُزانگ دیما آرگ بوہگءَانت، ورناہ آنی ھاترءَ سوبمندیں ورناہ پروگرامءِ ردءَ 100 ارب کلدار ءِ فنڈ ایر کنگ بوتگ، تنکہ آیانی ھاترءَ بیپار کنگ ارزان بہ بیت، سی پیک ءِ ردءَ حاسیں اقتصادی زونز جوڑ کنگ بوہگءَ اَنت کہ آئی ءِ تہا پہ ورناہ آنی ھاترءَ بازیں موہ اَست۔ آ چارشمبے ءِ روچءَ زیبسٹ یونیورسٹی ءِ نومی میڈیا فیسٹیول ءِ مراگش ءَ گوں تران کنگ ءَ بوتگ۔ آئی ءَ گشتگ کہ کمیونیکیشن ءِپڑ نوں پُشت ءَ ناکپتگ بلکیں آئی ءِتہا بازیں ایندگہ نوکیں چیز دیما اَتکگ، 18 کروڑ موبائل سم سرجمیں ملک ءَ کارمرز بوہگءَ اَنت، ایشی ءَ ابید او ٹی ٹی پلیٹ فارم ہم اَست۔ فرخ حبیب ءَ گشتگ دنیا یک گلوبل ویلیج جوڑ بوتگ، مئے 22 کروڑ آبادی ءِ تہا 60 درسد ورناہ اَنت، مئے ورناہ زانت کار اَنت ۔ ملکی وزیر ءَ گشتگ کہ مارا وتی ڈرامہ آناں پدا زندگ کنگ لوٹ ایت، کسہ ءِ چاگردءِسرءَ جوانیں اثر ایر بوہگ لوٹ ایت، آئی ءَ گشتگ کہ مارا وتی نوکیں نسل ءِ زہن جوڑ کنگ لوٹ ایت کہ چیا کہ اے ففتھ جنریشن وار فیئر ءِ زمانگ اِنت۔ آئیءَ گشت کہ کوویڈ 19 ءَ سرجمیں دنیاءِ معیشت ءَ را آماچ کتگ، وانگ ء ُ زانگی ادارگ بند بوتگ اَنت، مزن وزیر عمران خان ءَ سرجمیں لاک ڈاؤن ءَ را ایر جتگ ء ُُ زندگی ءُ روزگارءَ یکجاہ چلائنتگ اَنت۔ آئی ءَ گشتگ کہ مئے حکومت ءِ وہد ءَ 70 ہزار نوکیں کمپنی جوڑ بوتگ اَنت ء ُ 929 ارب کلدار ءِ پائدگ بوتگ ءُ ایشی ءَ ابید رئیل سٹیٹ، آئی ٹی ء ُ سئیل ء ُ سواد ءِ پڑآں ہم دیمروئی بوتگ۔
