اسلام آباد۔29دسمبر (اے پی پی): پاکستان علماء کونسل ءِ چیئرمین ءُمزن وزیر ءِ حاسیں کمک کار حافظ محمد طاہر محمود اشرفی ءَ چارشمبے ءِ روچءَ سعودی عرب ءِ سفیر نواف سعید المالکی ءَ گوں گندء ُنندکتگ۔ گندء ُندنءَ حافظ محمد طاہر اشرفی ءَ سعودی عرب ءِ حکومت ءِ نیمگ ءَ چہ اسلامی کمک تنظیم دری کارانی وزیر آنی دیوان ء ُ اوگانستان ءِ ھاترءَ سرجم ءَ کمک کنگ ءَ شکرء ُمنت گپتگ۔ پاکستان ءَ سعودی عرب ءِ سفیر نواف سعید المالکی ءَ گشتگ کہ پاکستان ء ُ سعودی عرب ءِ سیادی دو براتانی وڑیں سیادی اَنت ء ُ اوگانستان ءِ جیڑہ ءِ سرءَ اسلامی کمک تنظیم دری کارانی وزیر آنی پاکستان ءِ مہمان جہلی ءَ دیوان کنگ اے گپ ءَ را پدر کنت کہ پاکستان ء ُسعودی عرب ءِ نیام ءَ باز اوست ء ُ محبت اَست۔ ۔ چیئرمین پاکستان علماء کونسل حافظ محمد طاہر محمود اشرفی ءَ سعودی عرب ءِ سفیر نواف سعید المالکی ءَ گوں گپ ءُتران کتگ ء ُ گشتگ کہ سعودی عرب ءِ خادم الحرمین الشریفین شاہ سلمان بن عبد العزیز ،ولی عہد امیر محمد بن سلمانء ُ دری کارانی امیرفیصل بن فرحانءِ نیمگ ءَ چہ اوگانستان ءِ جیڑہ ءِ سرءَ پاکستان ءِ گپ ءَ را راست گشتگ ء ُ پاکستان ءِ گوما کمک ءَ دوئیں ملک آنی سیادی ءَ را سرجمیں دنیاءِ سرءَ پدر کتگ۔ حافظ محمد طاہر محمود اشرفی ءَ گشتگ کہ پاکستان ءِ ریاست ء ُ راج سعودی عرب ءِ سلامتی، رکینگ ء ُدیمپانی ءَ را پاکستان ءِ سلامتی، رکینگ ء ُ دیمپانی سرپد بیت ء ُ سعودی عرب ءِ سرءَ حوثی باغیانی اُرش ءَ را سرجمی ءَ را ایر جنت۔
