کراچی۔29دسمبر (اے پی پی):صدر مملکت ڈاکٹر عارف علوی جتا جتائیں گہبودی گل آنی چاگردی کار آنی سر ءَ دل یکیمی ءِ درشان ءَ کنان ءَ ضلورت مند آنی گہبود ءِ واستہ ڈی سی فائونڈیشن ءِ کوشست آناں ساڑات۔ اے گپ آئی ءَ چار شمبے ءِ روچ ءَ جے ڈی سی ءِ ڈل ءَ گوں گورنر گس ءَ گند ءُ نند ءَ کت۔ ڈل ءِ سروکی ءَ جے ڈی سی ءِ سروک ظفر عباس کنگ ءَ ات۔ اے موہ ءِ سر ءَ جے ڈی سی ءِ سروک ءَ صدر ءِ مملکت ءَ را گیر سرکاری گل آنی نیمگ ءَ جاڑیگیں چاگردی گہبودی چست ءُ ایر آنی بابت ءَ سرپد کت۔ ظفر عباس ءَ صدر ءِ مملکت ءَ را جے ڈی سی فائونڈیشن ءِ کراچی ءَ 50 ڈائیلاسز سینٹرز پچ کنگ ، راشن ءِ پجاری، وردن ءُ وراک ءِ بنجاھی ءُ ایندگر منصوبگ آنی بابت ءَ بریفنگ دات۔ ڈل ءَ گوں تران کنان ءَ صدر ءِ مملکت ءَ حکومت ء، احساس پروگرام ءِ جتا جتائیں اسکیم آں ھوار آسانی ءَ گوں وام، فنی ھیل کاری پروگرام ءُ مات ءِ واستہ وردن ءُ وراکی کمک آں چہ سیت مند بوھگ ءِ واستہ ورنا آنی رھشونی کنگ ءِ ضلورت ءِ سر ءَ زور پر دات۔ آئی ءَ جندی شوبگ آنی سر ءَ زور پر دات کہ آ بے روزگاریں وانندگیں ورنا آنی واستہ مزوری ءِ موہ پیداک کنگ ءِ واستہ دیم ءَ بیان انت۔ ایشی ءَ ابید جے ڈی سی ءِ سروک ءَ صدر مملکت ءَ را شیلڈ ھم پیش کت۔
