اسلام آباد۔28دسمبر (اے پی پی):وزیر ءِ درئی کار مخدوم شاہ محمود قریشی ء۔ گوشت کہ پاکستان، برطانیہ ءِ گوما دو نیمگی اقتصادی ، تجارتی ءپ سیاسی یکوئی آناں گیش برجم جوڑ کنگ ءِ واستہ جزمیگ انت۔ اے گپ آئی ءَ برطانوئی گس آف لارڈز ءِ باسک “لارڈ ڈینیئل ہینن ءَ گوں تران کنان ءَ کت آئی ءَ چار شمبے ءِ روچ ءَ وزارت ءِ درئی کار ءَ آئی ءَ گوں گند ءُ نند کت۔ گند ءُ نند ءِ ساھت ءَ پاکستان ءُ برطانیہ ءِ نیام ءَ دو نیمگی یکوئی، وت مہ وتی یکوئی ءِ شوبگ آنی تہ ءَ کمک آناں دیمروئی ءَ ھوار جتا جتائیں کار آنی ھوالگ ءَ ھیال ریچی کنگ بوت۔ وزیر ءِ درئی کار ءَگوشت کہ پاکستان ءُ برطانیہ ءِ نیام ءَ جھلانکیں، پراھ ءُ شاھیگانیں دو نیمگی یکوئی است انت۔ پاکستان ، برطانیہ ءِ گوما دو نیمگی اقتصادی، تجارتی ءُ سیاسی یکوئی آناں گیش برجم کنگ ءِ واستہ جزمیگ انت۔ شاہ محمود قریشی ءَ گوشت کہ ما پاکستا ن ءُ برطانیہ ءِ نیام ءَ سفارتی یکوئی ءِ 75 ھپتاد ءُ پنچمی سالروچ ءَ را جوانیں رند ءَ برجم دارگ ءِ امیت ءَ کناں، من استیں برطانیہ ءِ تر ءُ تاب ءِ ساھت ءَ برطانوی وزیر ءِ درئی ن کار لزٹرس ءَ ھوار برطانی ءِ ارزشتیں سیاسی سروک آں گوں گند ءُ نند کتگ۔ برطانی ءِ تر ءُ تاب ءِ ساھت ءَ منی برطانوی پارلیمنٹ ءِ فارن ریلشنز ءُ ڈیفنس کمیٹی آنی سروک آنی گوما ھم ھاسیں گند ءُ نند کت۔ لارڈ ڈینیئل ہینن، ءَ وزیر ءِ درئی کار شاہ محمود قریشی ءِ استیں زوتیں تر ءُ تاب برطانیہ ءُ برطانوی سیاسی سروک آنی گوما گند ءُ نند ءَ را ساڑات۔
