اسلام آباد۔29دسمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ چار شمبے ءِ روچ ءَ سرمایہ کاری بورڈ ءِ تر ءُ تاب کت۔ سرمایہ کاری بورڈ ءَ آیگ ءِ پد ءَ وزیر ءِ مملکت ءُ چیئرمین سرمایہ کاری بورڈذ محمد اظفر احسن ءُ سیکریٹری سرمایہ کاری بورڈ فارینہ مظہر ءَ بنجاھی وزیر اھوالکاری ءَ را وش اتک کت۔ بنجاھی و زیر اھوالکاری ءَ را سرمایہ کاری بورڈ ءِ کار کرد ءِ ھوالگ ءَ سرجمیں بریفنگ دیگ بوت ءُ سرمایہ کاری بورڈ ءِ نیمگ ءَ سہرا کتگیں گہتریں کار آنی بابت ءَ سرپد کنگ بوت۔ اے موہ ء، سر ءَ سرمایہ کاری بورڈ ءِ نیمگ ءَ کسانیں ءُ نیامی درجگ ءِ کاروبار ءَ را گیش آسراتی پجاری کنگ ءِ ھم ھیال ریچی کنگ بوت۔ بنجاھی وزیر اھوالکاری ءَ سرمایہ کاری بورڈ ءِ کار کرد ءَ را ساڑاھان ءَ گوشت کہ وزارت ءِ اھوالکاری ءُ شنگ کاری سرمایہ کاری بورڈ ءِ گوما گیشاں چہ گیش کمک کنت انت۔
