راولپنڈی۔29دسمبر (اے پی پی): بنجاھی وزیر تہی کار شیخ رشید احمد ءَ گوشت کہ مزن وزیر عمران خان پنچ سال سرجم کنت ءُ آیوکیں گچین کاری ء، ھم آئی ءِ سروکی ءَ ما مقابلہ کناں، کے پی کے ءَ بلدیاتی گچین کاری ءَ چہ پد مولانا فضل الرحمن نوں اسمبلی آں چہ استعفیٰ ءِ لوٹ ءَ نہ کنت، نواز شریف وطن ءَ واپس بہ ائیت یا مہ ائیت اچ پرک نہ کپ ایت، ڈالر ءِ قیمت ءِ گر ءُ دار ءِ واستہ منی بجٹ المی انت۔ راولپنڈی ءِ میگا پراجیکٹ مات ءُ زھگ ہسپتال آیوکیں ماہ ءَ الس ءِ آسراتی ءِ واستہ برجا بیت۔ اے ھیالانی درشانی آئی ءَ چار شمبے ءَ راولپنڈی ءِ میگا پراجیکٹ مات ءُ زھگ ہسپتال ءِ تر ءُ تاب ءِ ساھت ءَ میڈیا ءَ گوں تران کنان ء۔ کت۔ اے موہ ءِ سر ءَ آئی ءِ ھمبراھ مزنو زیر ءِ ھاسیں کمکار برائے جان سلامتی ڈا کٹر فیصل سلطان ، پارلیمانی سیکرٹری شیخ راشد شفیق ، وزارت ءِ جان سلامتی ءِ سیکرٹری ءُ جان سلامتی ءِ ایندگر ٹوھیں ٹوھیں اپسرگ ھم ساڑی اتنت۔ شیخ رشید احمد ءَ گوشت کہ مزن وزیر عمران خان آیوکیں ماہ ءَ “ماں بچہ ہسپتال” ءِ بنگیج ءَ کنت ایشی ءَ چہ پد ایش برجا بیت۔ آئی ءَ گوشت کہ سی ڈی اے ہستال ءِ نوکیں بلاک ءِ جوڑیشت مارچ ءَ چہ بندات کنگ بیت وھدیکہ نوکری آنی واستہ اشتہار ھم جاڑی کنگ بوتگ ءُ آھوادا میرٹ ءِ سر ءَ مردم آناں نوکری دیگ بیت۔ آئی ءَ گوشت کہ نالہ لئی ءِ کش ءُکراں نکشہ ءِ رد ءَ جوڑیشت ءِ موہ دیگ بیت۔ سرمایہ کار آناں وتی کاروباری بنجاھ جوڑ بکن انت تانکہ مردم آناں روزگار بہ رس ایت ءُ گریبی ھلاس بہ بیت۔ شیخ رشید احمد ءَ گوشت کہ ھمک پارٹی وتی وتی سلوگن ءِ سر ءَ کار کنگ ءَ انت بلے پاکستان تحریک انصاف ءُ استیں حکومت الس ءِ واستہ کار کنگ ءَ انت۔
