اسلام آباد۔29دسمبر (اے پی پی):وزیر مملکت برائے اھوالکاری ءُ شنگ کاری فرخ حبیب ءَ گوشت کہ مزن وزیر عمران خان ءِ کاروبار دوستیں پالیسوی آنی سبب ءَ پی ٹی آئی حکومت ءَ گوستگیں سال ءَ کارپوریٹ سیکٹر ءَ را 929 ارب کلدار ءِ ھاسیں سیت بوتگ۔ ن لیگ ءِ دور ءَ 2018 ءَ اے سیت 587 ارب کلدار بوتگ انت۔ چار شمبے ءِ روچ ءَ وتی ٹویٹ ءَ وزیر ءِ مملکت فرخ حبیب ءَ گوشت کہ پی ٹی آئی حکومت ءِ دوران ءِ کمپنی آنی رجسٹریشن ءَ 44 درسد گیشی بوتگ کساس 70 ہزار نوکیں کمپنی رجسٹرڈ بوتگ انت وھدیکہ ن لیگ ءِ دور ءَ 5 سال ءَ 25 ہزار 85 نوکیں کمپنی رجسٹرڈ بوتگ انت۔ آءی ء۔ گوشت کہ گوزوکیں سال ءِ اولی 3 ماہ آنی تہ ءَ نوکیں کمپنی آناں 258 ارب کلدار ءِ سیت بوتگ۔ فرخ حبیب ءَ گوشت کہ پی ٹی آئی حکومت ءِ 3 سال آنی ساھت ءَ جتا جتائیں شوبگ آنی دیمروئی ءِ ریکا ٹ پروشتگ انت۔ کورونا وائرس ءَ ابید رئیل اسٹیٹ سیکٹر ءَ 494 درسد، آئی ٹی ءِ شوبگ ءَ 194 درسد وھدیکہ سیل ءُ سواد ءِ شوبگ ءَ 136 درسد معاشی دیمروئی بوتگ۔
