اسلام آباد۔28دسمبر (اے پی پی):قومی سلامتی ءِ مشیر ڈاکٹر معید یوسف ءَ جار جت کہ بنجاھی کابینہ ءَ یک تاریخی گامگیج ءِ رنگ ءَ شہری آناں ملک ءِ اولی ٹوھیں راجی سلامتی پالیشی ءِ منظوری دات ایشی ءِبنیات اقتصادی سلامتی ءِ رد ءَ انت۔ سئے شمبے ءَ ادا بنجاھی وزیر اھوالکاری ءُ شنگ کاری فواد حسین ءِ ھمبراہ یکجائی میٰا بریفنگ ءَ کابینہ ءِ دیوان ءِ پیسلہ آنی بابت ءَ سرپدی دیان ءَ آئی ءَ گوستگیں روچ ءَ سلامتی کمیٹی ءِ نیمگ ءَ راجی سلامتی پالیسی (این ایس پی) ءِ منظوری ءَ چہ پد کابینہ ءَ اے منظوری داتگ۔ ڈاکٹرمعید یوسف ءَ گوشت کہ اے کامیات کوشست ءِ سر ءَ سرجمیں راج ءَ را مبارک بات پیش کنگ لوٹاں چیا کہ اگاں کجام ھم ملک ءِ راجی سلامتی ءِ وژن سہرا نہ انت ایشی ءِ چیر دستی ءَ پالیشی جوڑ کنگ باز سک ءُ گران انت۔ آئی ءَ گوشت کہ اے پالیسی ءَ چہ راجی سلامتی ءِ ھواریں بھر آنی سر ءَ دلگوشی کنگ بوتگ۔ ءُ مزن وزیر ءِ سروکی ءَ اے رھبند جوڑ کنگ بوتگ انت کہ اقتصادی سلامتی پالیشی ءِ بنیاتی بنجاھ بیت۔ آئی ءَ گیش گوشت کہ مھکمیں معیشت دیمپانی ءُ بنی آدمی سلامتی ءِ سر ءَ گیش ھرچ ءُ در چ دل یکیمی بوت کنت۔ آئی ءَ اے گپ ءِ سر ءَ زور پر دات کہ ڈنی گامگیج آنی ھوالگ ءَ پالیشی ءِ مول ءُ مراد “ایمنی” انت۔
