اسلام آباد۔ 28 دسمبر (اے پی پی) مچ آ ملک اٹی 24 گھنٹہ ٹی 41 ہزار 869 کورونا ٹیسٹ کننگانے۔ سے شنبے نادے آ وزارت قومی جان جوڑی نا کنڈآن جاری ٹویٹ اٹی شیئرکروک حساب وکتاب نا رداٹ تدوک آ 24 گھنٹہ ٹی 41 ہزار 869 کورونا ٹیسٹ کننگانے۔ ہرافتیان 291 بندغ آتا کورونا ٹیسٹ مثبت بسنے۔ ہنداوڑ تدوک آ 24 گھنٹہ غاتیٹی کروک آ کورونا ٹیسٹ آتا مثبت نا کچ 0.69 درسد ئسک۔ داکان بیدس داوخت آ کورونا دین انا سوب آن زوال کروک آتا کچ 3 ریکارڈ کننگانے وخت اس کہ 636 ناجوڑ آتا حالیت تشویشناک ءِ۔
