 | |||
| to me |
اسلام آباد۔27دسمبر (اے پی پی): مزن وزیر عمران خان ءَ گوشت کہ مئے حکومت ءَ تاریخ ءِ اولی رند ءَ یک ٹوھیں ایگریکلچر ٹرانفارمیشن پلان ءِ جوڑ کتگ ءُ ایشرا اول سرئی بنیات ءَ جاڑی کنگ ءَ انت۔ مئے حکومت ءِ دلگوش برآمدی صنعت آنی برجائی ءِ واستہ ھاسیں اقتصادی زون آنی تہءَ سرمایہ کاری ءَ را ودینگ انت۔ اے ھیالانی درشانی آئی ءَ دو شمبے ءَ وتی سروکی ءَ چار ءُ تپاسی دیوان ءَ گوں گشتانک دیان ءَ کت۔ مزن وزیر ءَ گوشت کہ کشت ءُ کشار ءِ شوبگ ءَ میکانائزیشن ، جوانیں توم ءِ پجاری، آپ ءِ جوانیں انتظامی ءُ لائیو سٹاک فارمنگ ءَ دھکان آنی کمک ءَ را گیش پیداوار دیوکیں معاشی شوبگ آنی تہ ءَ مٹ کنگ ءَ انت۔ دھکان کارڈ سہرا کنگ، کد ءِ سر ءَ سبسڈی ءُ دلوت آنی جینیاتی گہتری ءِ گوما، حکومت ءِ مولءُ مراد گوستگیں سال ءِ ریکاٹی ایں پیداوار ءِ مقابلہ ءَ اے سال ءَ ھم گیش پیداوار در جنگ انت۔ آئی ءَ گوشت کہ حکومت ءِ کاروبار دوستیں پالیشی ءُ کاروبار کنگ ءَ آسانی ءِ سر ءَ دلگوش دیگ ءِ پازیٹیو نتیجگ سہرا بوتگ انت۔
