راولپنڈی۔ 27 دسمبر (اے پی پی) پاک فوج انا سروک جنرل قمرجاوید باجوہ تون چیف آف جنرل اسٹاف ترک لینڈ فورسز لیفٹیننٹ جنرل ویلی تراکجی اوڑدہی کرے۔ اوڑدہی ٹی علاقائی سلامتی نا حالیت، تین پہ تینی و کسبی است خواہی نا امور و خاص وڑاٹ ہڑتوم آ برادر ملک آتا نیام اٹ دفاعی و سیکورٹی کمکاری آ گپ وتران کننگا۔ پاک فوج انا شعبہ تعلقات عامہ نا رداٹ آرمی چیف پارے کہ نن ترکی اتون تینا برادرانہ تعلقداری تے بھاز اہمیت ایتنہ ہرا گہری تاریخی ، دودوربیدگی و مذہبی تعلقداری تتون گنڈوک ءُ۔ اواوغانستان اٹی امن و مفاہمت نا گام گیج آتا اہمیت وانسانی تنکی آن بچنگ کن مخلصانہ جہانی کوشست آتا گرج آ زور شاغا۔ داوخت آ ہڑتوم آ فریق آک خاص وڑاٹ تربیت و انسداد دہشت گردی نا بشخ آتیٹی فوجی تعلقداری تے پین گچین کننگ آ امنا کریر۔ شرفمند آ مہمان پاکستان نا سلہہ بند فوج انا کسبی مہارت نا اعتراف کرے و چندی بشخ آتیٹی کمکاری ءِ ودفنگ نا عزم انا درشانی ءِ کرے۔ اواوغان حالیت آتیٹی پاکستان نا کڑد، بارڈر مینجمنٹ کن خصوصی کوشست و علاقائی سوگوی ٹی کڑد انا ہم ستاءِ کرے۔
