اسلام آباد۔ 27 دسمبر (اے پی پی) بنجائی وزیر ڈٹ بندی شونداری واصلاحات و خصوصی گام گیج اسد عمر پارینے کہ مچ آ ملک اٹی کورونا ویکسین خلفوک آتا کچ15 کروڑ آن گدرینگانے۔ اودوشنبےنادے آ تینا ٹویٹ اٹی پارے کہ کل ٹیکہ خلفوک آتا کچ داسہ 15 کروڑ آن گدرینگانے، پنجاب صوبہ غاتیٹی غٹ آن مون ءِ ہراڑے 68 درسد اہل آبادی ءِ کم از کم 1 خور اس ملانے ۔ خیبرپختونخوا ٹی 57درسد ، سندھ اٹی 51 درسد و بلوچستان اٹی 38 درسد خلنگانے۔ اوپارے کہ بلوچستان دسمبر اٹی بھاز جوان کاریم کرینے و ویکسی نیشن اٹ ترندی اٹ ودکی کرینے۔ بنجائی وزیر اسہ وار ولدا الس آن خواست کرے کہ ایس او پی تیا عملدرآمد کرسا ویکسین خلفر۔
